مرکزی صفحہ اردو نظمنژادِ نَو
اردو نظمشعر و شاعریمجید امجد

نژادِ نَو

ایک اردو نظم از مجید امجد

از روبی جہاں
از روبی جہاں 0 تبصرے 513 مناظر

برہنہ سر ہیں ، برہنہ تن ہیں ، برہنہ پا ہیں
شریر روحیں
ضمیر ہستی کی آرزوئیں
چٹکتی کلیاں
کہ جن سے بوڑھی ، اداس گلیاں
مہک رہی ہیں
غریب بچے ، کہ جو شعاعِ سحر گہی ہیں
ہماری قبروں پہ گرتے اشکوں کا سلسلہ ہیں

وہ منزلیں ، جن کی جھلکیوں کو ہماری راہیں
ترس رہی ہیں
انہی کے قدموں میں بس رہی ہیں
حسین خوابوں
کی دھندلی دنیائیں جو سرابوں
کا روپ دھارے
ہمارے احساس پر شرارے
انڈیلتی ہیں
انہی کی آنکھوں میں کھیلتی ہیں
انہی کے گم سم
اداس چہروں پر جھلملاتے ہوئے تبسم
میں ڈھل گئے ہیں ہمارے آنسو ، ہماری آہیں

طویل تاریکیوں میں کھو جائیں گے جب اک دن
ہمارے سائے
اس اپنی دنیا کی لاش اٹھائے
تو سیل دوراں
کی کوئی موجِ حیات ساماں
فروغِ فردا
کا رخ پہ ڈالے مہین پردا ،
اچھل کے شاید
سمیٹ لے زندگی کی سرحد
کے اس کنارے
پہ گھومتے عالموں کے دھارے
یہ سب بجا ہے ، بجا ہے ۔۔۔۔۔۔۔ لیکن۔۔۔۔۔۔۔۔۔

یہ توتلی نَو خرام روحیں ، کہ جن کی ہر سانس انگبیں ہے
اگر انہی کونپلوں کی قسمت میں نازِ بالیدگی نہیں ہے
تو بہتی ندیوں
میں آنے والی ہزار صدیوں
کا یہ طلاطم
سکوتِ پیہم کا یہ ترنم
یہ جھونکے جھونکے
میں کھلتے گھونگھٹ نئی رتوں کے
تھکی خلاؤں
میں لاکھ اَن دیکھی کہکشاؤں
کی کاوشِ رَم
ہزار نا آفریدہ عالم ۔۔۔۔۔۔۔۔
نہ ان کا مقصد نہ انکا حاصل
اگر انہی کونپلوں کی قسمت میں نازِ بالیدگی نہیں ہے

 

جولائی 1951ء

مجید امجد

آپ کو یہ پسند ہو سکتا ہے۔

متعلقہ پوسٹس

کبھی پرکھو تو لفظوں کو

دستور یہاں بھی گونگے ہیں فرمان یہاں بھی اندھے ہیں

لگی ڈھلنے ہے پھر سے شام ساقی

درد دل کی دوا نہیں کرتے

گلی کوچوں میں سنّاٹا ہے یا رب خیر کرنا

یوں برملا یہ اشک بہانا فضول ہے

یہ راستے میں جو شب

تمہیں میری محبت کا جو اندازہ نہیں ہوتا

جو تجھ کو پسند آئے وہ جوہر نہیں رکھتے

مری فصیلِ انا میں شگاف کر کے رہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔