مرکزی صفحہ اردو غزلیاتبڑھی جو حد سے
اردو غزلیاتشعر و شاعریمجید امجد

بڑھی جو حد سے

مجید امجد کی اردو غزل

از روبی جہاں
از روبی جہاں 0 تبصرے 492 مناظر

بڑھی جو حد سے تو سارے طلِسم توڑ گئی
وہ خوش دِلی ، جو دِلوں کو دِلوں سے جوڑ گئی

ابد کی راہ پہ بے خواب دھڑکنوں کی دھمک
جو سو گئے اُنھیں بُجھتے جگوں میں چھوڑ گئی

یہ زندگی کی لگن ہے، کہ رتجگوں کی ترنگ
جو جاگتے تھے اُنہی کو یہ دھن جھنجوڑ گئی

وہ ایک ٹیس، جسے تیرا نام یاد رہا
کبھی کبھی تو مِرے دِل کا ساتھ چھوڑ گئی

رُکا رُکا تِرے لب پر عجب سُخن تھا کوئی
تِری نِگہ بھی جسے ، ناتمام چھوڑ گئی

فرازِ دِل سے اُترتی ہُوئی ندی ، امجدؔ
جہاں جہاں تھا حَسِیں وادیوں کا موڑ ، گئی

 

مجید امجؔد
​

آپ کو یہ پسند ہو سکتا ہے۔

متعلقہ پوسٹس

حاصلِ جذبِ دُروں سے واصلِ مطلوب تک

فرصت کہاں خطوط پڑھوں آج پیار سے

وضع اِنساں میں مخفی ہیں

ہذیان

نم ہوا خود نہ کوئی موج

چشم سوئے لامکاں ہے

تخیّل

کرب کی زنجیر سے

روکش ہوا جو شب وہ بالاے بام نکلا

خمارِ شب میں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔