مرکزی صفحہ اردو غزلیاتنہ یہ شیشہ نہ یہ ساغر نہ یہ پیمانہ بنے
اردو غزلیاتاصغر گونڈویشعر و شاعری

نہ یہ شیشہ نہ یہ ساغر نہ یہ پیمانہ بنے

ایک اردو غزل از اصغر گونڈوی

از سائیٹ ایڈمن
از سائیٹ ایڈمن 0 تبصرے 382 مناظر

نہ یہ شیشہ نہ یہ ساغر نہ یہ پیمانہ بنے
جانِ میخانہ تری نرگسِ مستانہ بنے

مرتے مرتے نہ کبھی عاقل و فرزانہ بنے
ہوش رکھتا ہو جو انسان تو دیوانہ بنے

پرتوِ رخ کے کرشمے تھے سرِ راہ گذار
ذرّے جو خاک سے اٹھے ، وہ صنم خانہ بنے

موج صبا سے بھی بڑھ کر ہوں ہوا کے جھونکے
ابر یوں جھوم کے چھا جائے کہ میخانہ بنے

کارفرما ہے فقط حُسن کا نیرنگِ کمال
چاہے وہ شمع بنے چاہے وہ پروانہ بنے

چھوڑ کر یوں درِ محبوب چلا صحرا کو
ہوش میں آئے ذرا قیس نہ دیوانہ بنے

خاک پروانہ کی برباد نہ کر بادِ صبا
عین ممکن ہے کہ کل تک مرا افسانہ بنے

جرعۂ مے تری مستی کی ادا ہو جائے
موجِ صہبا تری ہر لغزشِ مستانہ بنے

اُس کو مطلوب ہیں کچھ قلب و جگر کے ٹکڑے
جیب و دامن نہ کوئی پھاڑ کے دیوانہ بنے

رند جو ظرف اٹھا لیں وہی ساغر بن جائے
جس جگہ بیٹھ کے پی لیں وہی میخانہ بنے

آپ کو یہ پسند ہو سکتا ہے۔

متعلقہ پوسٹس

وقت بدلا ہے مگر تھوڑا سا

دریا کو کناروں میں سمٹ جانے کا دکھ ہے

بلوچ مردوں کی لاشیں

آلودہ و کثیف ہے اعمالِ زِشت سے

وقت کی جو پیروں میں بیڑیاں نہیں ہوتیں

محبت کی طبیعت میں یہ کیسا بچپنا

ابد کی نیند سے بیزار ہونے والا نہیں

کس کنے جائوں الٰہی کیا دوا پیدا کروں

زنجیر ہوس دل کو رہائی نہیں دیتی

وہ کون ہے جو پس چشم تر نہیں آتا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔