مرکزی صفحہ آپکا اردو بابامیں نہ رانجھا نہ مجھے ہیر کا دکھ
آپکا اردو بابااردو غزلیاتاورنگ زیبشعر و شاعری

میں نہ رانجھا نہ مجھے ہیر کا دکھ

از اورنگ زیب
از اورنگ زیب 0 تبصرے 64 مناظر

میں نہ رانجھا نہ مجھے ہیر کا دکھ
کس پہ کھلتا مری تحریر کا دکھ

میرے لفظوں میں نمی ہے اپنی
میرے شعروں میں نہیں میرؔ کا دکھ

سانس لیتی ہوئی گردن کی چمک
زنگ لگتی ہوئی شمشیر کا دکھ

سات رنگوں کی سمجھ سے باہر
آٹھواں رنگ ہے تصویر کا دکھ

مر چکا ہوں تو مَیں سمجھوں کیسے
بین کرتی ہوئی ہمشیر کا دکھ

پاؤں کاٹوں اسے آزاد کروں
کچھ تو کم ہو مری زنجیر کا دکھ

میرے سینے میں ترازو ہو کر
بڑھ بھی سکتا ہے میاں تیر کا دکھ

دکھ کو سہنا کوئی آسان نہیں
اور پھر خاکِ ہمہ گیر کا دکھ

ایک ٹھہرے ہوئے منظر کا خمار
ایک کھینچی ہوئی تصویر کا دکھ

یہ براہیم سمجھ سکتا ہے
کتنا جاں سوز ہے تکبیر کا دکھ

ہوں میں کس دائرۂ وقت میں زیبؔ
کوئی عجلت ہے نہ تاخیر کا دکھ

اورنگ زیبؔ

آپ کو یہ پسند ہو سکتا ہے۔

متعلقہ پوسٹس

مرے لب پہ کوئی گلہ نہیں

زخم کھلتے ہی چلے جاتے ہیں اظہار کے ساتھ

یاد تیری مرے تن من میں اترآتی ہے

روٹھ گیا دل سب سے

لہک رہی ہے کسی گُل کی باس گلیوں میں

گزارش

وہ آغازِ محبت کا زمانہ

وہ دیکھتا ہے مجھ کو مگر بے حیا نہیں

نیند کرتے ہیں مر نہیں جاتے

کہاں بچ کے جائیں ٹھکانہ کہاں ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔