مرکزی صفحہ آپکا اردو باباکتابِ زندگی کو کون دیکھے
آپکا اردو بابااردو غزلیاتشعر و شاعریمنزّہ سیّد

کتابِ زندگی کو کون دیکھے

منزّہ سیّد کی ایک غزل

از سائیٹ ایڈمن
از سائیٹ ایڈمن 0 تبصرے 496 مناظر

کتابِ زندگی کو کون دیکھے
مسلسل بےبسی کو کون دیکھے

ہتھیلی پر کسی کا نام ہو تو
کسی بھی اجنبی کو کون دیکھے

حیاتِ جاوداں پانے کی خاطر
عزابِ عاشقی کو کون دیکھے

زمانے کی نگاہوں میں نمایاں
ہمیشہ بےرخی کو کون دیکھے

سفر درپیش ہو صحراؤں کا تو
مسلسل تشنگی کو کون دیکھے

فسردہ شام ہو جاڑے سے لپٹی
تو آنکھوں میں نمی کو کون دیکھے

کسی کی یاد میں ڈوبی نہ ہو تو
پرانی ڈائری کو کون دیکھے

اب اخباروں میں ہیں رنگین خبریں
حروفِ رنجگی کو کون دیکھے

اندھیرے کی گزارش پر منزّہ
ذرا سی روشنی کو کون دیکھے
منزّہ سیّد

آپ کو یہ پسند ہو سکتا ہے۔

متعلقہ پوسٹس

بس ایک میں تھی کوئی

بند آنکھوں میں کوئی خواب بھی ہو سکتا ہے

ہیچ صحرا ہیچ ہم بازار بود

خیرات میں آئے ہوئے کاسے میں نہ آئے

پس موت کا امکاں ہے کرونا کے سبب سے

دیکھ کر تیرے گیسوئے برہم

پھر ہوا وقت کہ ہو

ملتی ہے خُوئے یار سے نار التہاب میں

وہ شوخ پا عجب شوق میں مبتلا ہے

بوجھ بجھاری

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔