مرکزی صفحہ ابنِ انشاءشام غم کی سحر نہیں ہوتی
ابنِ انشاءاردو غزلیاتشعر و شاعری

شام غم کی سحر نہیں ہوتی

ابن انشا کی ایک غزل

از سائیٹ ایڈمن
از سائیٹ ایڈمن 0 تبصرے 466 مناظر

شام غم کی سحر نہیں ہوتی
یا ہمیں کو خبر نہیں ہوتی

ہم نے سب دکھ جہاں کے دیکھے ہیں
بیکلی اس قدر نہیں ہوتی

نالہ یوں نارسا نہیں رہتا
آہ یوں بے اثر نہیں ہوتی

چاند ہے کہکشاں ہے تارے ہیں
کوئی شے نامہ بر نہیں ہوتی

ایک جاں سوز و نامراد خلش
اس طرف ہے ادھر نہیں ہوتی

دوستو عشق ہے خطا لیکن
کیا خطا درگزر نہیں ہوتی

رات آ کر گزر بھی جاتی ہے
اک ہماری سحر نہیں ہوتی

بے قراری سہی نہیں جاتی
زندگی مختصر نہیں ہوتی

ایک دن دیکھنے کو آ جاتے
یہ ہوس عمر بھر نہیں ہوتی

حسن سب کو خدا نہیں دیتا
ہر کسی کی نظر نہیں ہوتی

دل پیالہ نہیں گدائی کا
عاشقی در بہ در نہیں ہوتی

ابن انشا

آپ کو یہ پسند ہو سکتا ہے۔

متعلقہ پوسٹس

کتابِ زندگی کو کون دیکھے

زندگی چار دن کی مہلت ہے

منظور تھی یہ شکل تجلی کو نور کی

میں اگر وہ ہوں جو ہونا چاہئے

اک بوسہ دیجئے مرا ایمان لیجئے

یہ تماشائے رنگ و بُو بھی مجھے

خزاں کے دور میں کِھلتی بہار میرے لیے

میں جس کو بھی سہارا کر رہا تھا

ترے در پہ یہ سر جھُکا ہے

بے یقینی تبھی ہے وعدے پر

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔