مرکزی صفحہ اردو غزلیاتخود کو کھویا ہے تجھے اپنا بنانے کے لیے
اردو غزلیاتسعد اللہ شاہشعر و شاعری

خود کو کھویا ہے تجھے اپنا بنانے کے لیے

ایک اردو غزل از سعد اللہ شاہ

از داشہ خان
از داشہ خان 0 تبصرے 966 مناظر

خود کو کھویا ہے تجھے اپنا بنانے کے لیے
راہ گم کردہ رہے، راہ پہ آنے کے لیے

اے مری شمعِ فروزاں یہ ادا کیسی ہے
تو نے سب شمعیں جلائی ہیں بجھانے کے لیے

رائیگاں ہوتے ہوئے اپنے شب و روز تو دیکھ
کچھ مہ و مہر بنا ان کو سجانے کے لیے

بعد پروانے کے یہ راز کھلا ہے کس پر
شمع جلنے کے لیے ہے کہ جلانے کے لیے

ہر گھڑی عشوہ گری کرتی نشیلی آنکھیں
جن میں وعدہ ہی نہیں کوئی نبھانے کے لیے

خودسری زیبا ہے تجھ کو کہ بھری دنیا میں
ہم تو آئے ہیں ترے ناز اٹھانے کے لیے

خامشی اپنی کوئی عجز نہیں ہے ہرگز
کوئی سنتا ہو تو کیا کچھ ہے سنانے کے لیے

جان لے سعدؔ یہ آساں بھی نہیں ہے اتنا
ہمیں درکار ہے تُو غم کو بھلانے کے لیے

سعد اللہ شاہ

آپ کو یہ پسند ہو سکتا ہے۔

متعلقہ پوسٹس

کوئی نظم ایسی لکھوں کبھی

مکاں کے ہوتے ہوئے بھی جو لامکاں کوئی ہے

ایسا خاموش تو منظر

اب نہیں تاب زخم کھانے کی

عجب اپنا حال ہوتا، جو وصال یار ہوتا

اے دل دیوانہ

یہ وہم جانے میرے دل سے کیوں نکل نہیں رہا

رائیگاں گفتگو کو دفن کریں

ہاتھ بڑھتا ہے فون کی جانب

چراغ بام تو ہو، شمع انتظار تو ہو

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔