مرکزی صفحہ اردو نظمکوئی نظم ایسی لکھوں کبھی
اردو نظمشعر و شاعرینوشی گیلانی

کوئی نظم ایسی لکھوں کبھی

نوشی گیلانی کی ایک اردو نظم

از سائیٹ ایڈمن
از سائیٹ ایڈمن 0 تبصرے 442 مناظر

کوئی نظم ایسی لکھوں کبھی
تری بات بات کی روشنی
مِرے حرف حرف میں بھر سکے
ترے لمس کی یہ شگفتگی
مرے جسم و جاں میں اُتر سکے
کوئی چاندنی کسِی گہرے رنگ کے راز کی
مرے راستوں میں بکھر سکے
تری گفتگو سے بناؤں میں
کوئی داستاں کوئی کہکشاں
ہوں محبتوں کی تمازتیں بھی کمال طرح سے مہرباں
ترے بازوؤں کی بہار میں
کبھی جھُولتے ہُوئے گاؤں میں
تری جستجو کے چراغ کو سر شام دِل میں جلاؤں
اِسی جھلملاتی سی شام میں
لِکھوں نظم جو ترا رُوپ ہو
کہیں سخت جاڑوں میں ایک دم جو چمک اُٹھے
کوئی خوشگوار سی دُھوپ ہو
جو وفا کی تال کے رقص کا
کوئی جیتا جاگتا عکس ہو
کوئی نظم ایسی لکھوں کبھی
کہ ہر ایک لفظ کے ہاتھ میں
ترے نام کی
ترے حروف تازہ کلام کے
کئی راز ہوں
جنھیں مُنکشف بھی کروں اگر
تو جہان شعر کے باب میں
مِرے دل میں رکھی کتاب میں
ترے چشم و لب بھی چمک اٹھیں
مجھے روشنی کی فضاؤں میں کہیں گھیر لیں
کوئی نظم ایسی لکھوں کبھی

آپ کو یہ پسند ہو سکتا ہے۔

متعلقہ پوسٹس

کچھ تو تعلق کچھ تو لگاؤ

شاید مجھے کسی سے محبت

کتنی زلفیں کتنے آنچل اڑے چاند کو کیا خبر

جس نے مجھے بیکار میں

لا کے کگار پر

معاملاتِ زمانہ تو سب نِمٹ گئے ہیں

نصاب دل کا حسن کی کتاب سے نکل گیا

بغیر بولے مرا مدعا سمجھتا ہے

رند مدہوش ہیں

بچا لیا ہے چلو کچھ بھرم رکے ہوئے ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔