مرکزی صفحہ آپکا اردو بابااجل کے لمحو
آپکا اردو بابااردو نظمشعر و شاعریگلناز کوثر

اجل کے لمحو

از سائیٹ ایڈمن
از سائیٹ ایڈمن 0 تبصرے 26 مناظر

یہ کِشت اُلفت کی زرد مٹی

یہ سہمی شب کے اُداس تارے

سوال دستِ اجل کی جانب

ہزار حیرت سے تک رہے ہیں

ابھی لہو سے کسی بھی چہرے کا

نقش بننے میں دن پڑے تھے

زمیں کے آنچل سے بیج باندھے ہی تھے صبا نے

کہ جن سے زندہ دھڑکتی کونپل کو پھوٹنا تھا

سنہری ، نوخیز ، نرم کونپل

جو دلبری کے حسیں مناظر کا آئینہ تھی

جو چاند راتوں سے گزرے لمحوں کا نقش پا تھی

وہ ننھی ، معصوم ، بند پلکیں

کسی بھی روشن ، حسین ساعت

کسی بھی تیرہ ، اداس لمحے

سے بے خبر تھیں …

ادھورے ہونٹوں کی نغمہ گہ سے

نکلتی بے صوت ان صداؤں سے

گیت بننے میں

دن پڑے تھے

بہ نوکِ نشتر ہیں

آرزوئوں کے سارے ریشے

ستم نوازی کی داستاں بھی

بدن کی سلوٹ سے پھوٹتی

شاخِ بے اماں بھی

کہ جس پہ چاہت کے پھول آنے میں

دن پڑے تھے

اجل کے لمحو

بدن کی گٹھڑی سے

زندگی کا سراغ پانے

میں دن پڑے تھے

گلناز کوثر

آپ کو یہ پسند ہو سکتا ہے۔

متعلقہ پوسٹس

عزت اپنی اب نہیں ہے یار کو منظور ٹک

آنکھ کو آئنہ سمجھتے ہو

تمہاری ذات کا پہلے گماں کوئی نہیں تھا

مر گیا غم میں ترے ہائے

تجھ سے مل کر اس قدر

دونوں آنکھوں کی اک اوک بنائی میں نے

سوتے رہنا صرف بہانہ ہوتا ہے

ورکنگ وومن

احساس ۔ حصول سکون کا زریعہ

اپنے احساس سے چھو کر مجھے صندل کر دو

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔