مرکزی صفحہ اردو غزلیاتنہ یہ شیشہ نہ یہ ساغر نہ یہ پیمانہ بنے
اردو غزلیاتاصغر گونڈویشعر و شاعری

نہ یہ شیشہ نہ یہ ساغر نہ یہ پیمانہ بنے

ایک اردو غزل از اصغر گونڈوی

از سائیٹ ایڈمن
از سائیٹ ایڈمن 0 تبصرے 355 مناظر

نہ یہ شیشہ نہ یہ ساغر نہ یہ پیمانہ بنے
جانِ میخانہ تری نرگسِ مستانہ بنے

مرتے مرتے نہ کبھی عاقل و فرزانہ بنے
ہوش رکھتا ہو جو انسان تو دیوانہ بنے

پرتوِ رخ کے کرشمے تھے سرِ راہ گذار
ذرّے جو خاک سے اٹھے ، وہ صنم خانہ بنے

موج صبا سے بھی بڑھ کر ہوں ہوا کے جھونکے
ابر یوں جھوم کے چھا جائے کہ میخانہ بنے

کارفرما ہے فقط حُسن کا نیرنگِ کمال
چاہے وہ شمع بنے چاہے وہ پروانہ بنے

چھوڑ کر یوں درِ محبوب چلا صحرا کو
ہوش میں آئے ذرا قیس نہ دیوانہ بنے

خاک پروانہ کی برباد نہ کر بادِ صبا
عین ممکن ہے کہ کل تک مرا افسانہ بنے

جرعۂ مے تری مستی کی ادا ہو جائے
موجِ صہبا تری ہر لغزشِ مستانہ بنے

اُس کو مطلوب ہیں کچھ قلب و جگر کے ٹکڑے
جیب و دامن نہ کوئی پھاڑ کے دیوانہ بنے

رند جو ظرف اٹھا لیں وہی ساغر بن جائے
جس جگہ بیٹھ کے پی لیں وہی میخانہ بنے

آپ کو یہ پسند ہو سکتا ہے۔

متعلقہ پوسٹس

ہے دعا یاد مگر حرفِ دعا یاد نہیں

عجیب بات یہ ہوئی کہ ساتھ بھی نہیں رہے

کوئی تدبیر نِکالی جائے

خدا کی قسم تم ہمیں

الفاظ کے چنگل کے نہیں

کوئی بھی کام کاج ٹھیک نہیں

نصاب دل کا حسن کی کتاب سے نکل گیا

اب کوئی راہ بھی آسان نہیں دیکھنے میں

کیا تن نازک ہے جاں کو بھی حسد جس تن...

جب تک نگار دشت کا سینہ دکھا نہ تھا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔