مرکزی صفحہ اردو غزلیاتہوئے نامور بے نشاں کیسے کیسے
اردو غزلیاتامیر مینائیشعر و شاعری

ہوئے نامور بے نشاں کیسے کیسے

امیر مینائی کی اردو غزل

از سائیٹ ایڈمن
از سائیٹ ایڈمن 0 تبصرے 431 مناظر

ہوئے نامور بے نشاں کیسے کیسے
زمیں کھا گئی آسماں کیسے کیسے

تری بانکی چتون نے چن چن کے مارے
نکیلے سجیلے جواں کیسے کیسے

نہ گل ہیں نہ غنچے نو بوٹے نہ پتے
ہوئے باغ نذرِ خزاں کیسے کیسے

یہاں درد سے ہاتھ سینے پہ رکھا
وہاں ان کو گزرے گماں کیسے کیسے

ہزاروں برس کی ہے بڑھیا یہ دنیا
مگر تاکتی ہے جواں کیسے کیسے

ترے جاں نثاروں کے تیور وہی ہیں
گلے پر ہیں خنجر رواں کیسے کیسے

جوانی کا صدقہ ذرا آنکھ اٹھاؤ
تڑپتے ہیں دیکھو جواں کیسے کیسے

خزاں لوٹ ہی لے گئی باغ سارا
تڑپتے رہے باغباں کیسے کیسے

امیرؔ اب سخن کی بڑی قدر ہو گی
پھلے پھولیں گے نکتہ داں کیسے کیسے​
​
امیر مینائی​
از: دیوانِ امیر مینائی معروف بہ صنم خانۂ عشق​

آپ کو یہ پسند ہو سکتا ہے۔

متعلقہ پوسٹس

تمہی تو ہو جو مرے دل کا آئنہ خانہ

گل کے پردے میں ہے کیا معلوم نہیں

دل مرا مضطرب نہایت ہے

کون وہ گرد اڑاتا ہے

فیر کرن برباد آئی اے

بڑے تاجروں کی ستائی ہوئی

قبر پر وہ بتِ گل فام آیا

فلم “ہجرت” کا تھیم ہیں ہم لوگ

کوئی بھی کیوں مجھ سے

دیپِ اُلفت مجھے جلانا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔