مرکزی صفحہ اردو نظمتوسیعِ شہر
اردو نظمشعر و شاعریمجید امجد

توسیعِ شہر

ایک اردو نظم از مجید امجد

از روبی جہاں
از روبی جہاں 0 تبصرے 649 مناظر

بیس برس سے کھڑے تھے جو اس گاتی نہر کے دوار
جھومتے کھیتوں کی سرحد پر، بانکے پہرے دار
گھنے، سہانے، چھاؤں چھڑکتے، بُور لدے چھتنار
بیس ہزار میں بِک گئے سارے ہرے بھرے اشجار

جن کی سانس کا ہر جھونکا تھا ایک عجیب طلسم
قاتل تیشے چیر گئے ان ساونتوں کے جسم

گِری دھڑام سے گھائل پیڑوں کی نیلی دیوار
کٹتے ہیکل، جھڑتے پنجر، چھٹتے برگ و بار
سہمی دھوپ کے زرد کفن میں لاشوں کے انبار

آج کھڑا میں سوچتا ہوں اس گاتی نہر کے دوار
اس مقتل میں صرف اِک میری سوچ لہکتی ڈال
مجھ پہ بھی اب کاری ضرب اِک اے آدم کی آل

 

مجید امجد

آپ کو یہ پسند ہو سکتا ہے۔

متعلقہ پوسٹس

چوٹ ہر گام پہ کھا کر جانا

سانس لینا بھی مدد گار

تم سے ملنا دوبارہ ہوگا نہیں

نیند جھوٹا پانی ہوئی

ہیلو

دشت میں شہر بسانے کے لیئے آیا ہوں

کٹ چکی تھی یہ نظر سب سے بہت دن پہلے

تمہاری ڈائری میں وہ کلام

یہ پڑھنے لکھنے کے دن ہیں

خامشی اپنی سُخن آثار کرنے کے لیے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔