مرکزی صفحہ اردو غزلیاتشکستہ آئینوں کی کرچیاں اچھی نہیں لگتیں
اردو غزلیاتشعر و شاعریمحسن نقوی

شکستہ آئینوں کی کرچیاں اچھی نہیں لگتیں

محسن نقوی کی اردو غزل

از سائیٹ ایڈمن
از سائیٹ ایڈمن 0 تبصرے 1.2K مناظر

شکستہ آئینوں کی کرچیاں اچھی نہیں لگتیں
مجھے وعدوں کی خالی سیپیاں اچھی نہیں لگتیں

گزشتہ رُت کے رنگوں کا اثر دیکھو کہ اب مجھ کو
کھلے آنگن میں اڑتی تتلیاں اچھی نہیں لگتیں

وہ کیا اجڑا نگر تھا جسکی چاہت کے سبب ابتک
ہری بیلوں سے الجھی ٹہنیاں اچھی نہیں لگتیں

دبے پائوں ہوا جس کے چراغوں سے بہلتی ہو!
مجھے ایسے گھروں کی کھڑکیاں اچھی نہیں لگتیں

بھلے لگتے ہیں طوفانوں سے لڑتے بادباں مجھ کو
ہوا کے رُخ پہ چلتی کشتیاں اچھی نہیں لگتیں

یہ کہہ کر آج اس سے بھی تعلق توڑ آیا ہوں!
مری جاں، مجھ کو ضدی لڑکیاں اچھی نہیں لگتیں

کسی گھر میں رَسن بستہ رہیں جو رات دن محسن
مجھے اکثر وہ سہمی ہرنیاں اچھی نہیں لگتیں

محسن نقوی

آپ کو یہ پسند ہو سکتا ہے۔

متعلقہ پوسٹس

انیسویں صدی کا کوچہُ یار

ساحل ملا تو موج بلا ڈھونڈتے رہے

یہ زمیں جو ثقافت میں زرخیز

آنکھیں نہیں یاں کھلتیں ایدھر کو نظر بھی ہے

عجیب ہوتی ہے یہ محبت

سینے پہ کب سے ہاتھ ہے اور ہٹ نہیں رہا

خمار ایک وہم ہے , خمار کی طلب نہیں

بلند ہاتھ میں کاسہ ہے

شعلہ بن کے جلتا سورج

ابر ملبوسِ آب تھا جیسے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔