مرکزی صفحہ اردو نظمشہرِ طلب میں
اردو نظمشبانہ یوسفشعر و شاعری

شہرِ طلب میں

از سائیٹ ایڈمن
از سائیٹ ایڈمن 0 تبصرے 72 مناظر

نیندوں کے جنگل سے ہم نے
خوابوں کی ساری بیلیں کاٹ دی ہیں
پہلے پہلے خواہش کا آنچل تھامے
چلتے رہنا اچھا لگتا تھا
چھاؤں سے ہاتھ چھڑا کر دھوپ میں
جلتے رہنا اچھا لگتا تھا
اک سچے جذبے کی کھوج میں
دھڑکن دھڑکن سنگ ہوا کے بہنا
اچھا لگتا تھا
اور ہوا کب یہ سوچے
کس قریہ جانا ہے
کن گلیوں سے دامن کو بچانا ہے
پیڑوں سے ٹوٹے پیلے پتّوں کی صورت
جب ہم بکھرے تو یہ جانا ہے
کہ بے چہرہ زیست کی کوئی صورت نہ بن پائے گی
خوابوں کے چہرے کتنے بھی دل آویز بنا لیں
زخم ستم کی خو کب چھوڑیں گے
وقت کا مرہم بھی ان پر لاکھ لا لیں
اب تو سانسوں کی آمد سے
یہ بے آباد بدن دُکھتا ہے
شہرِ طلب میں کوئی خواہش ہو یا جذبہ
خاروں کی صورت چبھتا ہے

شبانہ یوسف

آپ کو یہ پسند ہو سکتا ہے۔

متعلقہ پوسٹس

دھیان تیرا جہاں لگا ہوا ہے

آنکھ میں خواب نہیں، خواب کا ثانی بھی نہیں

ہوش والوں کو خبر کیا

نمازِ عشق

لذت سے درد کی جو کوئی آشنا نہیں

پوچھا نہ جائے گا

زندگی خود کو آزماتی ہے

فصیل جاں کے قیدی ہیں مگر یہ دھیان رکھا ہے

قہوہ خانے میں دھواں بن کےسمائےہوئے لوگ

کس درجہ اکیلی ہے یہ یکتائی ہماری

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔