مرکزی صفحہ اردو غزلیاتآئینہ توڑ دے رِہا کر دے
اردو غزلیاتایوب خاورشعر و شاعری

آئینہ توڑ دے رِہا کر دے

از سدرۃ المنتہیٰ
از سدرۃ المنتہیٰ 0 تبصرے 55 مناظر

آئینہ توڑ دے رِہا کر دے
بے وفا! اِک یہی وفا کر دے

رشتۂ درد توڑ دے دل سے
رنگ کو پھول سے جدا کر دے

زندگی بھر تجھی کو چاہا ہے
قرض کچھ تو مرا ادا کر دے

دے رہا ہے زکوٰۃ حُسن اگر
مرے حق سے ذرا بڑھا کر دے

مدّتیں ہو گئیں تجھے دیکھے
اَب تو ملنے کا سلسلہ کر دے

پھر کوئی گُل کھلے سرِ مژگاں
پھر درِ خواب کوئی وا کر دے

اِک ستارے کو بخش کر مرے خواب
پھر اُسے میرا آئینہ کر دے

بیٹھتا جا رہا ہے جاں کا غبار
اب اسے مجھ سے ماورا کر دے

اے فقیرِ دیارِ لیلیٰ جاں!
مرے حق میں بھی کچھ دعا کر دے

ایوب خاور

آپ کو یہ پسند ہو سکتا ہے۔

متعلقہ پوسٹس

ہزاروں راز پنہاں ہیں شعور خاک کے اندر

ہوا نہیں کہ جسے دیکھ ہی نہ پاؤں گا

برقع میں کیا چھپیں وے ہوویں جنھوں کی یہ تاب

ہماری زندگی کا ایک ہی

پھرتے ہو جو تنہا تنہا

آپ تک ہے نہ غم جہاں تک

سوچ آئی تیرے لہجے کی کڑواہٹ پر

تم کو اس کا شعور تھا ہی نہیں

اے جذبۂ دل گر میں چاہوں

کوشش کے باوجود بھی رویا نہیں گیا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔