مرکزی صفحہ اردو غزلیاترو رو کے کیا ابتر
اردو غزلیاتشعر و شاعریمیر حسن

رو رو کے کیا ابتر

میر حسن کی اردو غزل

از سائیٹ ایڈمن
از سائیٹ ایڈمن 0 تبصرے 512 مناظر

رو رو کے کیا ابتر سب کام مرے دل کا
کھویا مری آنکھوں نے آرام مرے دل کا

آغازِ محبت میں دیکھا تو یہ کچھ دیکھا
کیا جانیے کیا ہو گا انجام مرے دل کا

جس دن سے ہوا پیدا اُس دن سے ہوا شیدا
دیوانہ و سودائی ہے نام مرے دل کا

طوفان ہے زلفوں پر بہتان ہے کاکل پر
ہے رشتہ اُلفت ہی پر دام مرے دل کا

جب تک میں جیا مجھ کو قاصد نہ ملا آخر
اب جی ہی چلا لے کر پیغام مرے دل کا

بتخانۂ دل میرا کعبے کے برابر ہے
واجب ہے تجھے جاناں اکرام مرے دل کا

معشوق کی اُلفت سے مت جان حسنؔ خالی
لبریز محبت ہے یہ جام مرے دل کا

میر حسن 

آپ کو یہ پسند ہو سکتا ہے۔

متعلقہ پوسٹس

کچھ نہ پوچھو بہک رہے ہیں ہم

کب تک بھلا بتائوگے یوں صبح و شام روز

نہ کوئی ممنوعہ دانہ کھانا

مرتا ہےتو مرجائے , مددکیوں کرےکوئی

حادثے زیست کی توقیر بڑھا دیتے ہیں

مکاں سے دور کہیں لا مکاں سے ہوتا ہے

گفتگو ایک سوکھی بیل کی ہے

چراغ جب میرا کمرہ ناپتا ہے

آدھا چاند فلک پر دیکھا

تیرے چہرے کی تلاوت کی ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔