مرکزی صفحہ آپکا اردو باباپھول جتنا ہی کھل سکے ہم لوگ
آپکا اردو بابااردو غزلیاتسرفراز آرششعر و شاعری

پھول جتنا ہی کھل سکے ہم لوگ

سرفراز آرش کی ایک اردو غزل

از سائیٹ ایڈمن
از سائیٹ ایڈمن 1 تبصرہ 454 مناظر

پھول جتنا ہی کھل سکے ہم لوگ
پھول بن کر بکھر گئے ہم لوگ

یہ محبت بھی کیا عجب مے ہے
ہینگڈ اوور نہیں ہوئے ہم لوگ

تیری آنکھوں کی خیر ہو پیارے
تیرے ہوتے ہوئے بجھے ہم لوگ

اپنا ہنسنا بھی دیکھتا کوئی
جھاڑیوں میں کھلے رہے ہم لوگ

صرف مٹی سے سب نہیں بنتے
روشنی سے دیا ہوئے ہم لوگ

پھول کانٹوں میں کیا تمیز کریں
دو قدم بھی نہیں چلے ہم لوگ

شاید اس واسطے وبا آئی
جینے لائق نہیں رہے ہم لوگ

آنسو آنسو ہیں سب کے سانجھے ہیں
بارشوں میں نہیں ہنسے ہم لوگ

اس نے یوں ہی ادھر کو دیکھ لیا
تیز ہوتے ہوئے تھمے ہم لوگ

ساتھ چلنے کو یوں نہ کہہ ہم سے
چل پڑیں گے کھڑے کھڑے ہم لوگ

دھوپ دینے کے دن ہی آ نہ سکے
گٹھریوں میں بندھے رہے ہم لوگ

اب ستائش کی کس کو خواہش ہے
اب تو جوتے پہن چکے ہم لوگ

عمر بھر منفرد رہے آرش
سارا رستہ نہیں رکے ہم لوگ

سرفراز آرش 

آپ کو یہ پسند ہو سکتا ہے۔

متعلقہ پوسٹس

ظاہر تھا وہ غم تری ’’نہیں‘‘ سے

درندے (ایک سچا واقعہ)

وہ عِشق جو ہم سے رُوٹھ گیا

آروو ایجوکیشن پریس

اس سےمجھے تو عشق ہوا، کوئی ایسا ویسا

صبر کرنے والوں کے ساتھ

ناز کرتا رہے میرے ساتھ

زنگِ الم کا صیقل ہو

تُمہارے نام لگا دی ہیں

کُچھ بھی کر گزرنے میں دیر کِتنی لگتی ہے

1 تبصرہ

سائٹ ایڈمن اپریل 1, 2020 - 11:22 صبح

لفظوں میں فسانے ڈھونڈتے ہیں ہم لوگ
لمحوں میں زمانے ڈھونڈتے ہیں ہم لوگ
تُو زہر ہی دے شراب کہہ کر ساقی
جینے کے بہانے ڈھونڈتے ہیں ہم لوگ

جواب دیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔