مرکزی صفحہ اردو نظمنیا سفر ہے پرانے چراغ گل کر دو
اردو نظمساحر لدھیانویشعر و شاعری

نیا سفر ہے پرانے چراغ گل کر دو

از فضّہ
از فضّہ 0 تبصرے 82 مناظر

نیا سفر ہے پرانے چراغ گل کر دو

فریبِ جنتِ فردا کے جال ٹوٹ گئے
حیات اپنی امیدوں پہ شرمسار سی ہے
چمن میں جشن و درودِ بہار ہو بھی چکا
مگر نگاہِ گل و لالہ سوگوار سی ہے

فضا میں گرم بگولوں کا رقص جاری ہے
افق پہ خون کی مینا چھک رہی ہے ابھی
کہاں کا مہرِ منور کہاں کی تنویریں
کہ بام و در پہ سیاہی جھلک رہی ہے ابھی

فضائیں سوچ رہی ہیں کہ ابنِ آدم نے
خرد گنوا کے جنوں آزما کے کیا پایا
وہی شکستِ تمنا وہی غمِ ایام!
نگارِ زیست نے سب کچھ لٹا کے کیا پایا

بھٹک کے رہ گئیں نظریں خلا کی وسعت میں
حریمِ شاہدِ رعنا کا کچھ پتہ نہ ملا
طویل راہ گزر ختم ہو گئی لیکن
ہنوز اپنی مسافت کا منتہا نہ ملا

سفر نصیب رفیقو! قدم بڑھائے چلو
پرانے راہنما لوٹ کر نہ دیکھیں گے
طلوعِ صبح سے تاروں کی موت ہوتی ہے
شبوں کے راج دلارے ادھر نہ دیکھیں گے

ساحر لدھیانوی

آپ کو یہ پسند ہو سکتا ہے۔

متعلقہ پوسٹس

خودکُشی

اب تک مجھے نہ کوئی مرا رازداں ملا

اس شوخ ستمگر کو کیا کوئی بھلا چاہے

کانپتے ہونٹ ہیں آواز میں دھیما پن ہے

بہت چپ ہو شکایت چھوڑ دی کیا

وقت جب رنج خد و خال اٹھاتا ہے میاں

یہ آئینہ جو صاف ہے وہ اور بات ہے

جو وحشت ہے عقیدت بھی تو ہو سکتی ہے

پھریے کب تک شہر میں اب سوے صحرا رو کیا

جہاں دھواں تھا وہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔