مرکزی صفحہ اردو غزلیاتنیا اک رشتہ پیدا کیوں کریں ہم
اردو غزلیاتجون ایلیاشعر و شاعری

نیا اک رشتہ پیدا کیوں کریں ہم

جون ایلیا کی ایک اردو غزل

از سائیٹ ایڈمن
از سائیٹ ایڈمن 0 تبصرے 521 مناظر

نیا اک رشتہ پیدا کیوں کریں ہم
بچھڑنا ہے تو جھگڑا کیوں کریں ہم

خموشی سے ادا ہو رسم دوری
کوئی ہنگامہ برپا کیوں کریں ہم

یہ کافی ہے کہ ہم دشمن نہیں ہیں
وفا داری کا دعویٰ کیوں کریں ہم

وفا اخلاص قربانی محبت
اب ان لفظوں کا پیچھا کیوں کریں ہم

ہماری ہی تمنا کیوں کرو تم
تمہاری ہی تمنا کیوں کریں ہم

کیا تھا عہد جب لمحوں میں ہم نے
تو ساری عمر ایفا کیوں کریں ہم

نہیں دنیا کو جب پروا ہماری
تو پھر دنیا کی پروا کیوں کریں ہم

یہ بستی ہے مسلمانوں کی بستی
یہاں کار مسیحا کیوں کریں ہم

جون ایلیا

آپ کو یہ پسند ہو سکتا ہے۔

متعلقہ پوسٹس

درد سانچے میں جس نے ڈھالا ہے

بلاوا

کیوں اُسی شخص سے ملنے کا بہانہ چاہوں

کیا وہی شخص ہے یہ زرد سے چہرے والا ؟

مجھے یہ بتاؤ زنداں یہاں

لپیٹوں گا میں آنکھیں

سفر

سمے سمے کی خلش میں ترا ملال رہے

گردش جام نہیں ، گردش ایام تو ھے

دوجا جواز گر مرا پہلا جواز ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔