مرکزی صفحہ اردو غزلیاتکیوں نہ اڑ جائے مرا خواب ترے کوچے میں
اردو غزلیاتشعر و شاعریمصطفٰی خان شیفتہ

کیوں نہ اڑ جائے مرا خواب ترے کوچے میں

مصطفیٰ خان شیفتہ کی ایک اردو غزل

از سائیٹ ایڈمن
از سائیٹ ایڈمن 0 تبصرے 332 مناظر

کیوں نہ اڑ جائے مرا خواب ترے کوچے میں
فرش ہے مخمل و کمخواب ترے کوچے میں

دولتِ حسن یہاں تک تو لٹائی ظالم
اشک ہے گوہرِ نایاب ترے کوچے میں

جوششِ گریۂ عشاق سے اک دم میں ہوا
شجرِ سوختہ، شاداب ترے کوچے میں

ہوش کا پاؤں جو یاں آ کے پھسل جاتا ہے
کیا لنڈھائی ہے مئے ناب ترے کوچے میں

ہے کفِ پائے عدو، پا سے ترے رنگیں تر
بس کہ ہم روتے ہیں خوناب ترے کوچے میں

گوشہ گیری سے بھی گردش نہ گئ طالع کی
پھرتے ہیں صورتِ دولاب ترے کوچے میں

غیر نے سنگ جو پھینکے وہ ہوئے بالشِ سر
چین سے کرتے ہیں ہم خواب ترے کوچے میں

وہ بھی محروم نہیں جن کو نہیں بزم میں بار
تیرے رخسار کی ہے تاب ترے کوچے میں

چل دیا شیفتہ سودے میں خدا جانے کہاں
ڈھونڈتے پھرتے ہیں احباب ترے کوچے میں

مصطفیٰ خان شیفتہ

آپ کو یہ پسند ہو سکتا ہے۔

متعلقہ پوسٹس

جہان آرزو آواز ہی آواز ہوتا ہے

اُن پہ ظاہر مرے ارماں کسی عنواں ہوتے

جو کہو تم سو ہے بجا صاحب

ایسے اُس ہاتھ سے گرے ہم لوگ

ذہن میرا جِلا کے رُخ پر ہے

دل میں رہتا ہے کوئی دل ہی کی خاطر خاموش

اُسے بھی ایسے ہی دل سے نکال پھینکا ہے

اتنی بڑھی گھٹن کہ ہواؤں پہ آگئی

دل کہ تھا درد آشنا تنہا

آج تو اور کے سینے سے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔