جھلمل ہے دل میں آج بھی روشن ستارہ کی

جھلمل ہے دل میں آج بھی روشن ستارہ کی

اس ڈل میں اب بھی تیر رہا ہے شکارا کیا

ہر روز صبح دم کوئی آئینہ ٹوٹنا

اس خواب میں بچے گا ہمارا تمہارا کیا

دیکھو یہ کارِ عشق نہیں کارِ خیر ہے

تم اس میں کر رہے ہو میاں ، استخارہ کیا

لوگو یہ شہر وہر نہیں ہے ، سراب ہے

اس فاصلے سے تم پہ کھلے گا نظارا کیا

یہ تم جو آئنے کی طرح چور چور ہو

تم نے بھی اپنی عمر کو دل پر گزارا کیا ؟

سعود عثمانی