مرکزی صفحہ اردو غزلیاتخواہشیں ہوتی ہیں کیا کیا بارشوں کی رات میں
اردو غزلیاتشعر و شاعریناہید ورک

خواہشیں ہوتی ہیں کیا کیا بارشوں کی رات میں

از فضّہ
از فضّہ 0 تبصرے 29 مناظر

خواہشیں ہوتی ہیں کیا کیا بارشوں کی رات میں
میں ہوں اور ہے لمس تیرا بارشوں کی رات میں
مانگتے ہیں بھیگی رُت کے سارے منظر تیرا قُرب
اب میں سمجھاؤں اُنہیں کیا بارشوں کی رات میں
تیرگی میں غم کی سایہ بھی کہاں ہوتا ہے ساتھ
میں اگر ہوتی ہوں تنہا بارشوں کی رات میں
میں یہ سمجھی یہ بھی مارا ہے کسی کے ہجر کا
پھوٹ کر بادل جو رویا بارشوں کی رات میں
دن تو جیسے تیسے دنیا کے جھمیلوں میں کٹا
ہجر نے تیرے رُلایا بارشوں کی رات میں
منہ چھپائے ایک کونے میں پڑی تھی دم بخود
میری تنہائی بھی تنہا بارشوں کی رات میں
دامنِ قاتل پہ کوئی چھینٹ تک آئی نہیں
یوں ہُوا خونِ تمنّا بارشوں کی رات میں

ناہید ورک

آپ کو یہ پسند ہو سکتا ہے۔

متعلقہ پوسٹس

یوں بھی کچھ وقت گزارا

ہم نوائی کی اُمید اے مرے فن کس سے کروں

ترے بعد جو خلا ہے

خوشی کی ملی یہ سزا رفتہ رفتہ

نہ فکر انبساط کی

لوگ تَو شہر کی سڑکوں پہ سُلائے گئے ہیں

‏خیال یار نہ آسان لیجیے صاحب

دل مرا سوچ کے اس بات کو ڈر جاتا ہے

پھول جتنا ہی کھل سکے ہم لوگ

لگی ڈھلنے ہے پھر سے شام ساقی

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔