مرکزی صفحہ اردو غزلیاتحلقہ ہوئی وہ زلف کماں کو چھپا رکھا
اردو غزلیاتشعر و شاعریمیر تقی میر

حلقہ ہوئی وہ زلف کماں کو چھپا رکھا

از مہر کنزیٰ
از مہر کنزیٰ 0 تبصرے 64 مناظر

حلقہ ہوئی وہ زلف کماں کو چھپا رکھا
طاق بلند پر اسے سب نے اٹھا رکھا

اس مہ سے دل کی لاگ وہی متصل رہی
گو چرخ نے بہ صورت ظاہر جدا رکھا

گڑوا دیا ہو مار کر اک دو کو تو کہوں
کب ان نے خون کر نہ کسو کا دبا رکھا

ٹک میں لگا تھا اس نمکی شوخ کے گلے
چھاتی کے میرے زخموں نے برسوں مزہ رکھا

کاہے کو آئے چوٹ کوئی دل پہ شیخ کے
اس بوالہوس نے اپنے تئیں تو بچا رکھا

ہم سر ہی جاتے عشق میں اکثر سنا کیے
اس راہ خوفناک میں کیوں تم نے پا رکھا

آزار دل نہیں ہے کسو دین میں درست
کیا جانوں ان بتوں نے ستم کیوں روا رکھا

کیا میں ہی محو چشمک انجم ہوں خلق کو
اس مہ نے ایک جھمکی دکھاکر لگا رکھا

کیا زہر چشم یار کو کوئی بیاں کرے
جس کی طرف نگاہ کی اس کو سلا رکھا

ہر چند شعر میر کا دل معتقد نہ تھا
پر اس غزل کو ہم نے بھی سن کر لکھا رکھا

میر تقی میر

آپ کو یہ پسند ہو سکتا ہے۔

متعلقہ پوسٹس

خوابوں کو جاگیر بنانا بھول گئے

اس کو ضد سے تو اچھا نہیں روکنا چھوڑ دو

نَک جے مَتھے اُتے ہُندا

تعلق اپنی جگہ تجھ سے بر قرار بھی ہے

سر جھکاؤگے تو پتھر دیوتا ہوجائے گا

زینؔ گفتار و تصنع سے کدھر ہوتا ہے

خوابوں کی تعبیر نہیں ہے

شام کی گنگناہٹوں میں گم

یہ بھی میرا گمان ہو شاید

پیڑ کے پتوں میں ہلچل ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔