مرکزی صفحہ اردو غزلیاتفن کار
اردو غزلیاتساحر لدھیانویشعر و شاعری

فن کار

از فضّہ
از فضّہ 0 تبصرے 52 مناظر

فن کار

میں نے جو گیت ترے پیار کی خاطر لکھے
آج ان گیتوں کو بازار میں لے آیا ہوں

آج دکّان پہ نیلام اٹھے گا اُن کا
تو نے جن گیتوں پہ رکھی تھی محبت کی اساس
آج چاندی کے ترازو میں تلے گی ہر چیز
میرے افکار، مری شاعری ، میرا احساس

جو تری ذات سے منسوب تھے ان گیتوں کو
مفلسی جنس بنانے پہ اتر آئی ہے
بھوک تیرے رخِ رنگیں کے فسانوں کے عوض
چند اشیائے ضرورت کی تمنائی ہے

دیکھ اس عرصہ گہِ محنت و سرمایہ میں
میرے نغمے بھی مرے پاس نہیں رہ سکتے
تیرے جلوے کسی زر دار کی میراث سہی
تیرے خاکے بھی مرے پاس نہیں رہ سکتے

آج ان گیتوں کو بازار میں لے آیا ہوں
میں نے جو گیت ترے پیار کی خاطر لکھے

ساحر لدھیانوی

آپ کو یہ پسند ہو سکتا ہے۔

متعلقہ پوسٹس

تجھے آخری بار جب میں نے دیکھا

آہنگِ خاکی

وہ عنایت اگر نہ کرجاتا

کیسی بھلا یہ برہمی کیسا یہ پیچ و تاب ہے

دھند چھٹنے کے انتظار میں ہوں

طوفان میرے رونے سے آخر کو ہورہا

چوٹ ہر گام پہ کھا کر جانا

سنتا ہوں میں صدائیں یہ اشکوں کی جھیل سے

اُس نے دیکھا تو اک ہوا تھا میں

ہم جانا چاہتے تھے جدھر بھی نہیں گئے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔