مرکزی صفحہ اردو غزلیاتدل کے ہر داغ کو غنچہ کہیے
اردو غزلیاتباقی صدیقیشعر و شاعری

دل کے ہر داغ کو غنچہ کہیے

از مہر کنزیٰ
از مہر کنزیٰ 0 تبصرے 47 مناظر

دل کے ہر داغ کو غنچہ کہیے
جیسا وہ کہتے ہیں ویسا کہیے

جذب دل کے کوئی معنی نہ رہے
کس سے عجز لب گویا کہیے

کوئی آواز بھی آواز نہیں
دل کو اب دل کی تمنا کہیے

اتنا آباد کہ ہم شور میں گم
اتنا سنسان کہ صحرا کہیے

ہے حقیقت کی حقیقت دنیا
اور تماشے کا تماشا کہیے

لوگ چلتی ہوئی تصویریں ہیں
شہر کو شہر کا نقشہ کہیے

خون دل حاصل نظارہ ہے
نگہ شوق کو پردا کہیے

شاخ جب کوئی چمن میں ٹوٹے
اسے انداز صبا کا کہیے

دیدہ ور کون ہے ایسا باقیؔ
چشم نرگس کو بھی بینا کہیے

باقی صدیقی

آپ کو یہ پسند ہو سکتا ہے۔

متعلقہ پوسٹس

وہ سو سو اٹھکھٹوں سے گھر سے باہر دو قدم...

اِک خلش ایک تشنگی سی ہے

چھاؤں میں بیٹھوں اجازت نہیں دیتا ہے مجھے

ستایش گر ہے زاہد، اس قدر جس باغِ رضواں کا

کر نالہ کشی کب تئیں اوقات

پھر ہوا وقت کہ ہو

ڈھونڈنے نت نئے نگر مجھ میں

میں اپنے آپ کو تنہائیوں میں رکھتا ہوں

درد ہمدرد سے پیارا تو نہیں ہوسکتا

سوچتے رہنے کی ازیت سے بھی نکلے نہیں ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔