مرکزی صفحہ اردو غزلیاتدل نے اپنی زباں کا پاس کیا
اردو غزلیاترسا چغتائیشعر و شاعری

دل نے اپنی زباں کا پاس کیا

ایک اردو غزل از رسا چغتائی

از سائیٹ ایڈمن
از سائیٹ ایڈمن 0 تبصرے 449 مناظر

دل نے اپنی زباں کا پاس کیا
آنکھ نے جانے کیا قیاس کیا

کیا کہا بادِ صبح گاہی نے
کیا چراغوں نے التماس کیا

کچھ عجب طور زندگانی کی
گھر سے نکلے نہ گھر کا پاس کیا

عشق جی جان سے کیا ہم نے
اور بے خوف و بے ہراس کیا

رات آئی ادھر ستاروں نے
شبنمی پیرہن لباس کیا

سایۂ گل تو میں نہیں جس نے
گُل کو دیکھا نہ گُل کو باس کیا

بال تو دھوپ میں سفید کیے
زرد کس چھاؤں میں لباس کیا

کیا ترا اعتبار تھا تو نے
کیا غضب شہرِ ناسپاس کیا

کیا بتاؤں سبب اُداسی کا
بے سبب میں اسے اُداس کیا

زندگی اک کتاب ہے جس سے
جس نے جتنا بھی اقتباس کیا

جب بھی ذکرِ غزل چھڑا اُس نے
ذکر میرا بطورِ خاص کیا

رسا چغتائی

آپ کو یہ پسند ہو سکتا ہے۔

متعلقہ پوسٹس

یہ چوٹ کھائی ایسی دل پر کہ جی گنوایا

خوشبو جیسے لوگ ملے

ایک دعا ہریالی کی

تُونے کُچھ ایسا کیا

اُس کے جانے کا اِس دل کو ڈر سا تھا

نہ شوق ہے، نہ تمنا، نہ یاد ہے دل میں

بستی سے چند روز کنارہ کروں گا میں

ٹک ٹھہرنے دے تجھے شوخی تو کچھ ٹھہرایئے

انتظار ایسے کسی شخص کا کر جاؤں گا

اک بوسہ دیجئے مرا ایمان لیجئے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔