مرکزی صفحہ اردو غزلیاتچمن میں جاکے جو میں گرم وصف یار ہوا
اردو غزلیاتشعر و شاعریمیر تقی میر

چمن میں جاکے جو میں گرم وصف یار ہوا

از مہر کنزیٰ
از مہر کنزیٰ 0 تبصرے 60 مناظر

چمن میں جاکے جو میں گرم وصف یار ہوا
گل اشتیاق سے میرے گلے کا ہار ہوا

تمھارے ترکش مژگاں کی کیا کروں تعریف
جو تیر اس سے چلا سو جگر کے پار ہوا

ہماری خاک پہ اک بیکسی برستی ہے
ادھر سے ابر جب آیا تب اشکبار ہوا

کریں نہ کیونکے یہ ترکاں بلندپروازی
انھوں کا طائر سدرہ نشیں شکار ہوا

کبھو بھی اس کو تہ دل سے ملتے پایا پھر
فریب تھا وہ کوئی دن جو ہم سے یار ہوا

بہت دنوں سے درونے میں اضطراب سا تھا
جگر تمام ہوا خون تب قرار ہوا

شکیب میر جو کرتا تو وقر رہ جاتا
ادھر کو جاکے عبث یہ حبیب خوار ہوا

میر تقی میر

آپ کو یہ پسند ہو سکتا ہے۔

متعلقہ پوسٹس

سینے میں ہجرِ یار کے گھاؤ کے باوجود

جب ہونٹوں پر تالوں نے دل چیر دیا

آنکھ سے خواب بھی ناکام نکل آتا ہے

مختصر ہو گفتگو بات صاف صاف ہو

سُن تو سہی شکستگی

قفس کو چمن سے سوا جانتے ہیں

ذرا غم زدوں کے بھی غم خوار رہنا

آئے کچھ ابر کچھ شراب آئے

مستی کے پھر آ گئے زمانے

ہے جنبش لب مشکل جب آن کے وہ بیٹھے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔