مرکزی صفحہ اردو غزلیاتاب ہم فقیر جی سے دل کو اٹھا کے بیٹھے
اردو غزلیاتشعر و شاعریمیر تقی میر

اب ہم فقیر جی سے دل کو اٹھا کے بیٹھے

از مہر کنزیٰ
از مہر کنزیٰ 0 تبصرے 31 مناظر

اب ہم فقیر جی سے دل کو اٹھا کے بیٹھے
اس خصم جاں کے در پر تکیہ بنا کے بیٹھے

مرتے ہوئے بھی ہم کو صورت نہ آ دکھائی
وقت اخیر اچھا منھ کو چھپا کے بیٹھے

عزلت نشیں ہوئے جب دل داغ ہو گیا تب
یعنی کہ عاشقی میں ہم گھر جلا کے بیٹھے

جو کفر جانتے تھے عشق بتاں کو وہ ہی
مسجد کے آگے آخر قشقہ لگا کے بیٹھے

شور متاع خوبی اس شوخ کا بلا تھا
بازاری سب دکانیں اپنی بڑھا کے بیٹھے

کیا اپنی اور اس کی اب نقل کریے صحبت
مجلس سے اٹھ گیا وہ ٹک ہم جو آ کے بیٹھے

کیا جانے تیغ اس کی کب ہو بلند عاشق
یوں چاہیے کہ سر کو ہر دم جھکا کے بیٹھے

پھولوں کی سیج پر سے جو بے دماغ اٹھے
مسند پہ ناز کی جو تیوری چڑھا کے بیٹھے

کیا غم اسے زمیں پر بے برگ و ساز کوئی
خار و خسک ہی کیوں نہ برسوں بچھا کے بیٹھے

وادی قیس سے پھر آئے نہ میر صاحب
مرشد کے ڈھیر پر وے شاید کہ جا کے بیٹھے

میر تقی میر

آپ کو یہ پسند ہو سکتا ہے۔

متعلقہ پوسٹس

ہے کوئی کام ؟ جو کِیا نہیں ہے

قریب آئے سماعت کو آشنائی دے

آج سوچا ہے کہ ہستی ترا بیاں لکھوں

اب تو یہ بھی نہیں رہا احساس

شبوں کے دیس میں واحد دیا

میں اپنے شاعر سے ملتمس ہوں

پہلے قدموں پہ مجھے قیس نے ارشاد کیا

تم نے دیکھی ہے وہ خوابوں کی راہگزر

جہاں جہاں سے بھی جھلمل

دل ڈوبنے لگا ہے توانائی چاہیئے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔