مرکزی صفحہ اردو غزلیاترُودادِ محبّت کیا کہئیے کُچھ یاد رہی کچھ بھول گئے
اردو غزلیاتساغر صدیقیشعر و شاعری

رُودادِ محبّت کیا کہئیے کُچھ یاد رہی کچھ بھول گئے

ایک اردو غزل از ساغر صدیقی

از روبی جہاں
از روبی جہاں 0 تبصرے 767 مناظر

رُودادِ محبّت کیا کہئیے کُچھ یاد رہی کچھ بھول گئے

دو دِن کی مُسرّت کیا کہئیے کُچھ یاد رہی کُچھ بھول گئے

جب جام دیا تھا ساقی نے جب دور چلا تھا محفل میں

اِک ہوش کی ساعت کیا کہئیے کُچھ یاد رہی کُچھ بھول گیے

اب وقت کے نازک ہونٹوں پر مجروح ترنّم رقصاں ہے

بیدادِ مشیّت کیا کہئیے کُچھ یاد رہی کُچھ بھُول گئے

احساس کے میخانے میں کہاں اَب فکر و نظر کی قندیلیں

آلام کی شِدّت کیا کہئیے کُچھ یاد رہی کُچھ بھول گئے

کُچھ حال کے اندھے ساتھی تھے کُچھ ماضی کے عیّار سجن

احباب کی چاہت کیا کہئیے کُچھ یاد رہی کُچھ بھول گئے

کانٹوں سے بھرا ہے دامنِ دِل شبنم سے سُلگتی ہیں پلکیں

پھُولوں کی سخاوت کیا کہئیے کُچھ یاد رہی کُچھ بھول گئے

اب اپنی حقیقت بھی ساغر بے ربط کہانی لگتی ہے

دُنیا کی کی حقیقت کیا کہئیے کُچھ یاد رہی کُچھ بھول گئے

ساغر صدیقی

آپ کو یہ پسند ہو سکتا ہے۔

متعلقہ پوسٹس

یوں تو میخانے میں مے کم ہے نہ پانی کم...

نظمِ معریٰ اشکِ

حسن الفاظ کے پیکر میں اگر آ سکتا

اس قدر غم ہے کہ اظہار نہیں کرسکتے

کب میں گلشن میں باغ باغ

مکاں سے ہوگا کبھی لا مکان سے ہوگا

کن نے لپٹے بال دکھلائے ترے مانی کے تیں

محو ہوں میں جو اس ستمگر کا

کسی کھوئے ہوئے منظر کا خیال آیا ہے

اپنی دہلیز پہ گلدان برابر رکھے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔