مرکزی صفحہ آپ کا سلامکیا مٹا دو گے نام پھولوں کا
آپ کا سلاماردو غزلیاترومانہ رومیشعر و شاعری

کیا مٹا دو گے نام پھولوں کا

از رومانہ رومی
از رومانہ رومی 0 تبصرے 49 مناظر

کیا مٹا دو گے نام پھولوں کا
نہ کرو قتل عام پھولوں کا

رنگ و بو نے بھی ساتھ چھوڑ دیا
رفتہ رفتہ تمام پھولوں کا

گلستاں کو فروغ ہوگا مگر
شرط ہے احترام پھولوں کا

اک نہ اک دن حساب لینا ہے
باغباں سے تمام پھولوں کا

موسم گل ہے یہ خزاں تو نہیں
کیوں ہے برہم نظام پھولوں کا

ایک دو کا معاملہ تو نہیں
مسئلہ ہے تمام پھولوں کا

بجلیاں لے رہی ہیں گن گن کر
غالباً انتقام پھولوں کا

خون ناحق ہے یہ ارے توبہ
صبح غنچوں کا شام پھولوں کا

یوں جو مرجھا گئے بغیر کھلے
غم ہے ایسے تمام پھولوں کا

ہے سبھی کی نگاہ میں رومیؔ
آج کرب تمام پھولوں کا

رومانہ رومی

آپ کو یہ پسند ہو سکتا ہے۔

متعلقہ پوسٹس

ماضی، حال اور مستقبل – کامیابی کا سفر

فاصلے ایسے بھی ہوں گے یہ کبھی سوچا نہ تھا

لمحوں کی قید کاٹ کے صدیوں میں آ گئے

تیرا چپ رہنا مرے ذہن میں

خدا کرے کہ بتوں سے نہ آشنائی ہو

اور روشن رہِ سفرکردو

نورِ حجاب و آئینۂ جمال

ایک نظم جو لکھی نہیں جاسکتی

کبھی کبھی مجھے کچھ بھی

وصال گھڑیوں میں ریزہ ریزہ بکھر رہے ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔