مرکزی صفحہ اردو غزلیاتآئے کچھ ابر کچھ شراب آئے
اردو غزلیاتشعر و شاعریفیض احمد فیض

آئے کچھ ابر کچھ شراب آئے

ایک اردو غزل از فیض احمد فیض

از سائیٹ ایڈمن
از سائیٹ ایڈمن 0 تبصرے 493 مناظر

آئے کچھ ابر کچھ شراب آئے
اس کے بعد آئے جو عذاب آئے

بام مینا سے ماہتاب اترے
دست ساقی میں آفتاب آئے

ہر رگ خوں میں پھر چراغاں ہو
سامنے پھر وہ بے نقاب آئے

عمر کے ہر ورق پہ دل کی نظر
تیری مہر و وفا کے باب آئے

کر رہا تھا غم جہاں کا حساب
آج تم یاد بے حساب آئے

نہ گئی تیرے غم کی سرداری
دل میں یوں روز انقلاب آئے

جل اٹھے بزم غیر کے در و بام
جب بھی ہم خانماں خراب آئے

اس طرح اپنی خامشی گونجی
گویا ہر سمت سے جواب آئے

فیضؔ تھی راہ سر بسر منزل
ہم جہاں پہنچے کامیاب آئے

فیض احمد فیض

آپ کو یہ پسند ہو سکتا ہے۔

متعلقہ پوسٹس

تری یاد میں رہے دل مرا بے قرار کب تک

کچھ لوگ جو سوار ہیں کاغذ کی ناؤ پر

جو اُس نے غم لکھے سارے

یہ باز گشت جو سب کو سنائی جاتی ہے

ایسے بجھے ضمیر کہ روشن نہیں ہوئے

چمنیوں کے دھوئیں سے اٹا

نہیں عشق میں اس کا تو رنج ہمیں

سنو! اَب بھی یہاں مَیں ہوں

پگلی

سمے سمے کی خلش میں ترا ملال رہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔