مرکزی صفحہ آپکا اردو باباتکمیل
آپکا اردو بابااردو نظمثمینہ گُلشعر و شاعری

تکمیل

ثمینہ گُل کی ایک اردو نظم

از ثمینہ گُل
از ثمینہ گُل 0 تبصرے 527 مناظر

تکمیل

مجھے یہ کیا کہا تم نے
ادھوری ہوں تمھارے بن
بڑی ہی ناسمجھ ہوں میں
مجھے یوں بے زباں کرکے
سمجھتے بے زباں ہوں میں
مری اس بے زبانی میں
تمھارا ہاتھ سارا ہے
ادھوری میں کہ تم شاید
یا دونوں ہی ادھورے ہیں
زمیں کا چیر کے سینہ
میں گوہر چُن کے لاتی ہوں
کبھی تاریک راہوں میں
تمھارے ہاتھ خالی ہوں
تو میں امید کا روشن
ستارہ بن کے آتی ہوں
اتارے رب وحی تم پر
لرزتے کانپتے تنہا
مرے ہی پاس آتے ہو
تو میں ڈھارس بندھاتی ہوں
نئی راہیں بناتی ہوں
نئی دنیا دکھاتی ہوں
کبھی میں مخملیں بستر
کبھی چادر ترے سر کی
کبھی زینت ترے در کی
کبھی راحت ترے گھر کی
مگر پھر کبھی خود کو
مکمل کہہ نہیں سکتی
تجھے تسلیم کرنا ہے
مرے بن یہ ادھورا پن
تجھے بھی توڑ جاتا ہے
چلو یہ مان لیتی ہوں ،
مکمل تم مکمل میں
مگر یہ فیصلہ کردے
مری تکمیل تجھ سے ہے
تری تکمیل مجھ سے ہے

ثمینہ گُل

آپ کو یہ پسند ہو سکتا ہے۔

متعلقہ پوسٹس

وہ ملا تھا اور بس کچھ بھی نہیں

وہ زمانہ نظر نہیں آتا

لہو نذر دے رہی حیات

فِیٛ اَحٛسَنِ تَقٛوَیٛمٛ کی تفسیر

ضروری تھا مگر

دوراہا

آوے کہنے میں رہا ہو غم سے گر احوال کچھ

تیری آواز

عذر آنے میں بھی ہے اور بلاتے بھی نہیں

میں اور تم

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔