مرکزی صفحہ اردو نظمصدائے منجمد
اردو نظمشعر و شاعریشہزاد نیّرؔ

صدائے منجمد

شہزاد نیّرؔ کی ایک اردو نظم

از سائیٹ ایڈمن
از سائیٹ ایڈمن 0 تبصرے 362 مناظر

صدائے منجمد

ان چھوئی آواز جو بیٹھی رہی سینے کے بیچ
کل محبت کی کوئی دستک نہ اس کو چھو سکی
اس کے سارے دائرے
سمٹے رہے ، سہمے رہے
بارہا ایسی کوئی گم نام سی پرسوز لے
درد کی صورت
مرے سینے میں جم کر رہ گئی
بارہا سوچا کہ اس دھن کو کوئی انداز دوں
پیار کے دف کی صدائیں پھونک کر
ان کے اندر پھیلتی آواز کو پہچان دوں
بارہا دیکھا کہ اس گم نام سی آواز میں
تھرتھرا اٹھا مرے بیتےدنوں کا وہ دھواں
جس کی نبضوں میں تھرکتی تھی تری یادوں کی لے
جس کے اندر کھنکھنائیں
اس دھنک کی چوڑیاں
جس کی ساتوں کھڑکیاں کھلتی ہیں آدھی رات کو
بارہا سوچا کہ اس دھن میں اٹھیں وہ مستیاں
جن کی آوازوں میں شامل ہوں
تری پایل کے گیت
کاش میں ایسی کسی آواز کے پر کھولتا
کاش میں ایسی کسی دھن میں اتر کر بولتا
کیا کروں
دل سے کوئی بھی ایسی دھن اٹھتی نہیں

شہزاد نیر

آپ کو یہ پسند ہو سکتا ہے۔

متعلقہ پوسٹس

میں نے بخش دی تری کیوں خطا تجھے علم ہے

ہے نیند ابھی آنکھ میں پل بھر میں نہیں ہے

مختصر ہو گفتگو بات صاف صاف ہو

وہ جانتا ہے کہ میں دشت کا مسافر ہوں

ظالم کو دوں دعائیں میں

کوئی ان کی خبر نہیں آتی

فرض اپنا وہ نبھانے آئے

ماہِ رمضاں مرحبا

مت آنکھ ہمیں دیکھ کے یوں مار دیا کر

تجسُّس گرہ کھولتا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔