مرکزی صفحہ آپ کا سلامپھٹی مشکیں لیے دن رات دریا دیکھنے والے
آپ کا سلاماردو غزلیاتشعر و شاعریفقیہ حیدر

پھٹی مشکیں لیے دن رات دریا دیکھنے والے

از فقیہ حیدر
از فقیہ حیدر 0 تبصرے 39 مناظر

پھٹی مشکیں لیے دن رات دریا دیکھنے والے
بیاباں بن گئے پانی زیادہ دیکھنے والے

یہاں کوئی مسلسل دیکھنے والا نہیں تجھ کو
ہمارے ساتھ چل ہم ہیں ہمیشہ دیکھنے والے

تمہارے حسن سے انصاف کرنے کا تقاضا ہے
تمہیں دیکھیں زیادہ سے زیادہ دیکھنے والے

عمارت عشق کی تنہا کھڑی ہوگی کہاں تم سے
ہمیں بھی ساتھ رکھو ہم ہیں نقشہ دیکھنے والے

ہمارے سامنے تعریف کرتا کون کوفے کی
سبھی کو علم تھا ہم ہیں مدینہ دیکھنے والے

بچھڑتے وقت مڑ کر اس لیے دیکھا نہیں میں نے
کئی منظر نہیں ہوتے دوبارہ دیکھنے والے

کسی نے ما سوائے خاک دل سے کچھ نہیں پایا
بہت سے لوگ آئے یہ علاقہ دیکھنے والے

فقیہہ حیدر

آپ کو یہ پسند ہو سکتا ہے۔

متعلقہ پوسٹس

نہ ہونے کا گماں رکھّا ہُوا ہے

یہ پیچ و تاب میں شبِ غم بے حواسیاں

مل کر بھی اگر پُرسشِ حالات نہ کرنا

الٹی ہر ایک رسم جہان شعور ہے

ہم تو قائل ہی نہ تھے

کبھی آباد تھا یہ شہرِ جاں بھی

جیسے اندوہ محرم عشق کب تک دل ملے

حکومت، حکمراں اور طریقۂ حکمرانی

آگہی توشۂ رَہ کردی

نئے انداز سے تعمیر مجھے ہونا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔