مرکزی صفحہ آپکا اردو باباکبھی اندھا کبھی بہرا
آپکا اردو بابااردو غزلیاتارشاد نیازیشعر و شاعری

کبھی اندھا کبھی بہرا

از ارشاد نیازی
از ارشاد نیازی 0 تبصرے 91 مناظر

کبھی اندھا کبھی بہرا کبھی گونگا بن کر
میں نے رشتوں کے تقدس کو نبھایا اکثر

دستِ معمار قلم کرنے کا بھی اذن ملا
جب ترے پاؤں کی خاطر بنا سنگِ مرمر

کون دن رات مرے صبر سے خائف ہے یہاں
کون دن رات مری راہ میں رکھے پتھر

نیند کو وصل کی نعمت یہ کہاں سونپے گا
مری آنکھوں میں ترے ہجر کا وحشی لشکر

منتظر کب سے کسی گھاٹ پہ اک دوشیزہ
اور مرے لب پہ گھنی پیاس کا سونا منظر

کیوں میں خوش رہنے کی ناکام اداکاری کروں
کیوں مرے گریے کی نسبت ہو پرایا کنکر

وہ تکلف کی اذیت نہ اٹھائے ارشاد
میرے ہاتھوں میں بصد شوق تھمائے خنجر

ارشاد نیازی

آپ کو یہ پسند ہو سکتا ہے۔

متعلقہ پوسٹس

بات کیا جانے آ گئی دل میں

من موجی ہے ایک ڈگر میں رہتا ہے

خوابوں کا آبشار

گزر گئے پلوں کو اب

طرحِ نو

نہ پوچھ اس کی

تابوت پر بھی میرے نہ آیا وہ بے نقاب

زینؔ گفتار و تصنع سے کدھر ہوتا ہے

میں صدا فقیری ہوں مجھ میں ہو زیادہ ہے

تجھ سے جو روز ملاقات مری رہتی ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔