663
ہم دنیا سے جب تنگ آیا کرتے ہیں
اپنے ساتھ اِک شام منایا کرتے ہیں
سورج کے اس جانب بسنے والے لوگ
اکثر ہم کو پاس بلایا کرتے ہیں
یونہی خود سے روٹھا کرتے ہیں پہلے
دیر تلک پھر خود کو منا یا کرتے ہیں
چپ رہتے ہیں اس کے سامنے جا کر ہم
یوں اس کو کچھ یاد دلایا کرتے ہیں
نیندوں کے ویران جزیرے پر ہر شب
خوابوں کا اِک شہر بسا یا کرتے ہیں
ان خوابوں کی قیمت ہم سے پوچھ کہ ہم
اِن کے سہارے عمر بِتایا کرتے ہیں
اب تو کوئی بھی دور نہیں تو پھر تیمورؔ
ہم خط کِس کے نام لکھایا کرتے ہیں
