مرکزی صفحہ اردو نظمفارمولا
اردو نظمڈاکٹر وحید احمدشعر و شاعری

فارمولا

از سائیٹ ایڈمن
از سائیٹ ایڈمن 0 تبصرے 97 مناظر

ہماری سب ریاضت بس ریاضی ہے
ریاضی
ہم ریاضی دان ہیں
اپنا بنایا فارمولا ہیں
ہماری زندگی کے دس کا پورا آٹھواں حصہ تو ہر دم
موت کے ایمن کی ٹھمری گا رہا ہے
یہ اسی بیس کا کلیہ ہے
اسی بیس کا کلیہ
یہ ہم کیا کر رہے ہیں
اک ذرا خود کو ٹٹولو
واقعی جیتے ہیں ہم یا مر رہے ہیں
بہت کم لوگ ہیں
جو مسکرا کر جام صحت
اپنی زندہ ذات کو تجویز کرتے ہیں
پھر اس کو سانس کے شیشے سے ٹکراتے ہیں
پیتے ہیں
بہت کم لوگ ہیں جو زندگی کو زندگی کہتے ہیں
جیتے ہیں
پرندوں کی طرح
چھتنار زندوں کی طرح
ورنہ تو سارے
سانس کے تابوت میں
سہمے ہوئے کلبوت میں
بس زندگی کی فوت جیتے ہیں
یہ عالم
اور ان کے اندھے پیروکار
ہرگز زندگی جیتے نہیں ہیں
موت جیتے ہیں

وحید احمد
پچیس نومبر 2025

آپ کو یہ پسند ہو سکتا ہے۔

متعلقہ پوسٹس

ترا تخیّل کمالِ فن سے خیال زلفیں سنوارتا ہے

وہ پیلے پیڑ کیوں روئے

یاد رکھ دیدۂ تر اشک جو نکلا کوئی

اسی پہ آنکھ ٹھہرتی ہے پیارا لگتا ہے

بے کلی بے سبب نہیں ہوتی

زخموں کی طرح شمع دل زار جلی ہے

رستے سے جو پتّھر کو ہٹا سکتا تھا

نہال حسن بہت کم سمے کا ساتھی تھا

مری سرشت نہیں ہے گناہ کا پتھّر

میں نے کائنات کو تشکیل پاتے دیکھا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔