مرکزی صفحہ آپکا اردو بابابھائی بچھڑے تو بس ہچکیاں رہ گئیں
آپکا اردو بابااردو غزلیاتراکب مختارشعر و شاعری

بھائی بچھڑے تو بس ہچکیاں رہ گئیں

از راکب مختار
از راکب مختار 0 تبصرے 79 مناظر

بھائی بچھڑے تو بس ہچکیاں رہ گئیں
بین کرنے کو ماں جائیاں رہ گئیں

فاتحِ شہر خوش ہے کہ سب مر گئے
قصر میں صرف شہزادیاں رہ گئیں

منقسم یوں ہوا ترکہء ِ زندگی
میرے حصے میں بربادیاں رہ گئیں

ہو گیا خطہءِ دل میں سب کچھ فنا
چند مخصوص آبادیاں رہ گئیں

چھو نہ پائے کلائی کا کنگن بھی ہم
گال سے کھیلتی بالیاں رہ گئیں

کتنے زرقون خواہش میں تڑپے مگر
خالی خالی تری انگلیاں رہ گئیں

نیند میں اس نے پکڑا گریبان سے
آنکھ میں خواب کی دھجیاں رہ گئیں

قاتلوں میں کئی لوگ اپنے بھی تھے
میرے سینے میں کچھ برچھیاں رہ گئیں

 

راکب مختار

آپ کو یہ پسند ہو سکتا ہے۔

متعلقہ پوسٹس

کِسی نے ہم سے کہا تھا گُلاب چھاپیں گے

ایسا وار پڑا سر کا

اپنی الگ ہی سمت میں راہیں نکال کر

حساس سفر داغ سفربن کے عیاں ہے

میلے میں گر نظر نہ آتا

تیرے خیال سے لو دے اُٹھی ہے تنہائی

کچھ اس ادا سے آج وہ پہلو نشیں رہے

شب ڈھل رہی ہے تھم چکا طوفان

بدن سے باطن تک

تمہارے ہوتے ہوئے جاں مری کو آیا دکھ

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔