مرکزی صفحہ اردو نظمفلسطین
اردو نظمشعر و شاعریعزیز نبیل

فلسطین

عزیز نبیل کی ایک اردو نظم

از سائیٹ ایڈمن
از سائیٹ ایڈمن 0 تبصرے 550 مناظر

فلسطین

اے مورّخ ترے ہاتھ سے چھوٹ کر
دیکھ قدموں میں تیرے قلم گر گیا
جا بجا روشنائی بکھر سی گئی
جیسے چھینٹے لہو کے ہوں پھیلے ہوئے

وہ لہو سرزمینِ فلسطیں جسے
اپنے آغوش میں جذب کرتی رہی
وہ لہو آسمانِ فلسطیں جسے
چشمِ حیرت سے مایوس تکتا رہا
وہ لہو جو نہتّے بدن سے بہا
وہ لہو جو کہ بچّوں کے تن سے بہا
وہ لہو ماں کے آنچل پہ جو جم گیا
وہ لہو جس کے بہنے کا کوئی اثر
نسلِ انسانیت پر ہوا ہی نہیں
عہدِ حیوانیت پر ہوا ہی نہیں

اے مورّخ قلم ہاتھ میں پھر اٹھا
جا بجا روشنائی بکھرنے نہ دے
وہ مقدّس لہو جو شہیدوں کا ہے
اس کو مضموں بنا ، کوئی عنوان دے
عہدِ حیوانیت کی ڈگر پر نہ جا
اپنی انسانیت آسمانی بنا
اپنی انسانیت جاودانی بنا

عزیز نبیلؔ

آپ کو یہ پسند ہو سکتا ہے۔

متعلقہ پوسٹس

ہر قدم پر جو اتنا روتے ہو

کیا پوچھتے ہو عاشق راتوں کو کیا کرے ہے

ہم تو آپ سے اچھی باتیں کرتے ہیں

محبت کی نہیں تم نے

محو ہوں میں جو اس ستمگر کا

پھر وہی کنجِ قفس

ظاہر تھا وہ غم تری ’’نہیں‘‘ سے

یہ مری اَنا کی شکست ہے

دل کی دہلیز تلک خود کو رسائی دے گا

اس کھیل میں ایسا مرا کردار نہیں تھا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔