مرکزی صفحہ اردو غزلیاتچلو گمان کی حد سے گذر کے دیکھتے ہیں
اردو غزلیاتانور مسعودشعر و شاعری

چلو گمان کی حد سے گذر کے دیکھتے ہیں

اردو غزل از انور مسعود

از سائیٹ ایڈمن
از سائیٹ ایڈمن 0 تبصرے 543 مناظر

چلو گمان کی حد سے گذر کے دیکھتے ہیں

کنویں میں کیا ہے کنویں میں اتر کے دیکھتے ہیں

وہ کہہ رہے ہیں اچھوتا سا کام کر دیکھو

سو چھے کو پانچ سے تفریق کر کے دیکھتے ہیں

اب ایسی فلم بھی شاید ہی کوئی ہو کہ جسے

اکٹھے بیٹھ کے افراد گھر کے دیکھتے ہیں

اب اس کے خال سے چلتے ہیں گیسوؤں کی طرف

سِمٹ کے دیکھ لیا ہے بکھر کے دیکھتے ہیں

فلک پر جتنے مَلک ہیں وہ اپنے چینل پر

شبانہ روز تماشے بشر کے دیکھتے ہیں

اب اور کیا سرِ بازار دیکھنا انور

کسی دُکان پہ چشمے نظر کے دیکھتے ہیں

انور مسعود

آپ کو یہ پسند ہو سکتا ہے۔

متعلقہ پوسٹس

جہاں تک ہم ان کو بہلاتے رہے ہیں

توڑ کے سحر یادِ گزشتہ

ہے ذرا سا سفر ، گزارا کر

بستی سے چند روز کنارہ کروں گا میں

دوسرا راستہ

دھوپ میں سایا بنے تنہا کھڑے ہوتے ہیں

نظر میں طور رکھ اس کم نما کا

وابستگی

قربتیں ہوتے ہوئے بھی

کوئی مختار اور کوئی مجبور

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔