مرکزی صفحہ اردو غزلیاتغیروں پہ کھل نہ جائے کہیں راز دیکھنا
اردو غزلیاتشعر و شاعریمومن خان مومن

غیروں پہ کھل نہ جائے کہیں راز دیکھنا

مومن خان مومن کی ایک عمدہ غزل

از سائیٹ ایڈمن
از سائیٹ ایڈمن 0 تبصرے 627 مناظر

غیروں پہ کھل نہ جائے کہیں راز دیکھنا
میری طرف بھی غمزۂ غماز دیکھنا

اڑتے ہی رنگ رخ مرا نظروں سے تھا نہاں
اس مرغ پر شکستہ کی پرواز دیکھنا

دشنام یار طبع حزیں پر گراں نہیں
اے ہم نفس نزاکت آواز دیکھنا

دیکھ اپنا حال زار منجم ہوا رقیب
تھا سازگار طالع ناساز دیکھنا

بد کام کا مآل برا ہے جزا کے دن
حال سپہر تفرقہ انداز دیکھنا

مت رکھیو گرد تارک عشاق پر قدم
پامال ہو نہ جائے سرافراز دیکھنا

میری نگاہ خیرہ دکھاتے ہیں غیر کو
بے طاقتی پہ سرزنش ناز دیکھنا

ترک صنم بھی کم نہیں سوز جحیم سے
مومنؔ غم مآل کا آغاز دیکھنا

مومن خان مومن

آپ کو یہ پسند ہو سکتا ہے۔

متعلقہ پوسٹس

یوں دل میں تری یاد اتر آتی ہے جیسے

ہر آدمی کا خوشی ہی اگر مقدر ہو

میں صدا فقیری ہوں مجھ میں ہو زیادہ ہے

ہم اپنے آپ سے بیگانے تھوڑی ہوتے ہیں

صاحب دھیان دیجئے

وہ آنکھ جس کو گہر کی تلاش رہتی ہے

طرب زاروں پہ کیا بیتی صنم خانوں پہ کیا گزری

بھٹکے ہوئے عالی سے پوچھو

ہم ذرے ہیں خاک رہگزر کے

اس کو بھولے بنا کوئی چارہ نہیں وہ ہمارا نہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔