مرکزی صفحہ اردو غزلیاتوہ یوں ملا کے بظاہر خفا خفا سا لگا
اردو غزلیاتسیّد اقبال عظیمشعر و شاعری

وہ یوں ملا کے بظاہر خفا خفا سا لگا

از سائیٹ ایڈمن
از سائیٹ ایڈمن 0 تبصرے 64 مناظر

وہ یوں ملا کے بظاہر خفا خفا سا لگا
وہ دوسروں سے مگر مجھ کو کچھ جدا سا لگا

مزاج اُس نے نہ پوچھا مگر سلام لیا
یہ بے رخی کا سلیقہ بھی کچھ بھلا سا لگا

وہ جس کی کم سُخنی کو غرور سمجھا گیا
میری نگاہ کو وہ پیکرِ حیا سا لگا

میں اپنے کرب کی روداد اُس سے کیا کہتا
خود اُس کا دل بھی مجھے کچھ دُکھا دُکھا سا لگا

غبارِ وقت نے کچھ یوں بدل دیئے چہرے
خود اپنا شہر بھی مجھ کو نیا نیا سا لگا

گھُٹی گھُٹی سی لگی رات انجمن کی فِضا
چراغ جو بھی جلا کچھ بجھا بجھا سا لگا

جو ہم پہ گزری ہے شائد سبھی پہ گزری ہے
فسانہ جو بھی سُنا کچھ سُنا سُنا سا لگا

میں گھر سے چل کے اکیلا یہاں تک آیا ہوں
جو ہمسفر بھی ملا ، کچھ تھکا تھکا سا لگا

کچھ اس خلوص سے اُس نے مجھے کہا اقبال
خود اپنا نام بھی مجھ کو بہت بڑا سا لگا

سیّد اقبال عظیم

آپ کو یہ پسند ہو سکتا ہے۔

متعلقہ پوسٹس

جاتے ہوئے نہیں رہا پھر بھی ہمارے دھیان میں

گزرے دن رات بھول جاتے ہیں

نہ سماعتوں میں تپش گُھلے

کیا ذروں کا جوش صبا نے چھین لیا

کچھ اور ہو بھی تو رائیگاں ہے

سیر کرنے کو میں کیوں جاؤں

موقع اچھا ہے

متاع دل اس عشق نے سب جلا دی

باغ گو سبز ہوا اب سر گلزار کہاں

دشت جنوں میں غم کا جرس بولنے لگا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔