کاغذی ہے پیرہن ہر پیکر تصویر کا

سنگ مر مر کی دیوار پر ٹنکی رنگین تصویر یں اپنی صدائے بازگشت کو دہرا رہی تھیں ۔ جن پر ڈوبتے سورج کی رنگین شعاعیں نقاش کے طلسماتی عکس کو نمایاں کر رہی تھیں ۔ میں نے ہمہ تن شوق و التجا ہو کر نقاش سے کہا ،،، کئی مسافتیں طے کر کے تم تک رسائی حاصل کی ہے ۔ سنا ہے کہ تم فن نقاشی میں یکتا ہو ! کیا تم خیالات و جذبات کو تصویر میں مقید کر سکتے ہو ؟؟؟ نقاش بولا حقیقی مصور خیالات و جذبات تصویر میں اس خوبی سے بھر دیتا ہے کہ وہ اس وقت بھی زندہ رہتی ہے جب اسکا زندہ رہنا ناممکن ہو ! یہ کہہ کر نقاش نے ایک خاکہ تیار کیا جو رنگوں سے عاری تھا ۔۔۔ میری سوالیہ نگاہوں کو دیکھتے ہوئے اس کے لب گویا ہوئے کہ اس کی رنگ آمیزی تمناؤں کے خون سے ہو گی !!!!

منزہ گوئیندی