مرکزی صفحہ اردو غزلیاتمیرے دل کی راکھ کرید مت
اردو غزلیاتبشیر بدرشعر و شاعری

میرے دل کی راکھ کرید مت

اردو غزل از بشیر بدر

از سائیٹ ایڈمن
از سائیٹ ایڈمن 0 تبصرے 474 مناظر

میرے دل کی راکھ کرید مت اسے مسکرا کے ہوا نہ دے
یہ چراغ پھر بھی چراغ ہے کہیں تیرا ہاتھ جلا نہ دے

نئے دور کے نئے خواب ہیں نئے موسموں کے گلاب ہیں
یہ محبتوں کے چراغ ہیں انہیں نفرتوں کی ہوا نہ دے

ذرا دیکھ چاند کی پتیوں نے بکھر بکھر کے تمام شب
ترا نام لکھا ہے ریت پر کوئی لہر آ کے مٹا نہ دے

میں اداسیاں نہ سجا سکوں کبھی جسم و جاں کے مزار پر
نہ دیئے جلیں مری آنکھ میں، مجھے اتنی سخت سزا نہ دے

مرے ساتھ چلنے کے شوق میں بڑی دھوپ سر پہ اٹھائے گا
ترا ناک نقشہ ہے موم کا کہیں غم کی آگ گھلا نہ دے

میں غزل کی شبنمی آنکھ سے یہ دکھوں کے پھول چنا کروں
مری سلطنت مرا فن رہے مجھے تاج و تخت خدا نہ دے

آپ کو یہ پسند ہو سکتا ہے۔

متعلقہ پوسٹس

کچھ خبر ہوتی نہیں مےکش کو اپنی ذات کی

شام کا سحر

کسی کی یاد آنے پر مجھے تم کیوں بلاتے ہو

چھلکتی آئے کہ اپنی طلب سے

دل مرا چٸیرنگ کراس

مت دکھانا کسی کو کوٸی قبالہ صاحب

کوئی ایسا سبب نہیں ہوتا

اک لفظ محبت کا ادنیٰ یہ فسانا ہے

پیدا نہیں جہاں میں قید جہاں سے رستہ

رشتۂ جاں ٹوٹنے پر۔ ۔ ۔

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔