مرکزی صفحہ اردو غزلیاتیا مجھے افسرِ شاہانہ بنایا ہوتا
اردو غزلیاتبہادر شاہ ظفرشعر و شاعری

یا مجھے افسرِ شاہانہ بنایا ہوتا

بہادر شاہ ظفر کی اردو غزل

از سائیٹ ایڈمن
از سائیٹ ایڈمن 0 تبصرے 731 مناظر

یا مجھے افسرِ شاہانہ بنایا ہوتا
یا مرا تاج گدایانہ بنایا ہوتا

اپنا دیوانہ بنایا مجھے ہوتا تُو نے
کیوں خرد مند بنایا، نہ بنایا ہوتا

خاکساری کے لئے گرچہ بنایا تھا مجھے
کاش خاکِ درِ جانانہ بنایا ہوتا

تشنہء عشق کا گر ظرف دیا تھا مجھ کو
عمر کا تنگ نہ پیمانہ بنایا ہوتا

دلِ صد چاک بنایا تو بلا سے لیکن
زلفِ مشکیں کا تیرے شانہ بنایا ہوتا

تھا جلانا ہی اگر دوریء ساقی سے مجھے
تو چراغِ در میخانہ بنایا ہوتا

شعلہء حسن چمن میں نہ دکھایا اس نے
ورنہ بلبل کو بھی پروانہ بنایا ہوتا

روز معمورہء دنیا میں خرابی ہے ظفر
ایسی بستی کو تو ویرانہ بنایا ہوتا

آپ کو یہ پسند ہو سکتا ہے۔

متعلقہ پوسٹس

کہانی کا کوئی منظر

دل مرا سوچ کے اس بات کو ڈر جاتا ہے

اپنے بارے میں جانتی ہے وہ

درد ہلکا ہے سانس بھاری ہے

شعورِ ذات سے اُبھرو مقامِ ذات کو پاؤ

خواب تعبیر میں ڈھلا ہی نہیں

کُچھ نہِیں پایا ہے ہم نے

بنتی نہیں کسی بھی طرح اِندمال سے

اے دور نگر کے بنجارے

بیٹھے بٹھائے سر پہ یہ افتاد آ گئی

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔