مرکزی صفحہ اردو غزلیاتآنکھوں میں ہے سوالوں جوابوں کا سلسلہ
اردو غزلیاتباقی صدیقیشعر و شاعری

آنکھوں میں ہے سوالوں جوابوں کا سلسلہ

از مہر کنزیٰ
از مہر کنزیٰ 0 تبصرے 56 مناظر

آنکھوں میں ہے سوالوں جوابوں کا سلسلہ
ٹوٹا نہیں ابھی ترے خوابوں کا سلسلہ

دنیا کے رنگ رنگ میں حسرت کی کروٹیں
موجوں کے ساتھ ساتھ حبابوں کا سلسلہ

پیچھے نہ موج ریگ رواں کے چلے چلیں
ہو گا کہیں تو ختم سرابوں کا سلسلہ

موج بہار کے بھی قدم لڑ کھڑا گئے
جاتا ہے کتنی دور خرابوں کا سلسلہ

لفظوں تک آ گیا ہے جنوں کا معاملہ
دل کے اِدھر اُدھر ہے کتابوں کا سلسلہ

گھٹتا ہی جائے گا نگہ شوق کا مقام
بڑھتا ہی جائے گا یہ حجابوں کا سلسلہ

باقیؔ تری نگاہ کی دیوار بن گیا
چہروں کا مرحلہ کہ نقابوں کا سلسلہ

باقی صدیقی

آپ کو یہ پسند ہو سکتا ہے۔

متعلقہ پوسٹس

یوں برملا یہ اشک بہانا فضول ہے

ذائقہ بدلیں گے کیف و وجد میں

اس کو بھولے بنا کوئی چارہ نہیں وہ ہمارا نہیں

پر نہیں جو اڑ کے اس در جایئے

پا بہ گِل رہنے کی عادت کا مزہ لیتے ہیں

ندی کے اُس پار

ایک وعدہ ہے کِسی کا جو وفا ہوتا نہیں

گاہ درد و رنج و غم ہے

ٹھیک سے مسکرا نہیں رہا تھا

مجھ سے دور رہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔