مرکزی صفحہ اردو غزلیاتبے روح لڑکیوں کا ٹھکانہ بنا ہوا
اردو غزلیاتشعر و شاعریفرزانہ نیناں

بے روح لڑکیوں کا ٹھکانہ بنا ہوا

از فضّہ
از فضّہ 0 تبصرے 77 مناظر

بے روح لڑکیوں کا ٹھکانہ بنا ہوا
کمرہ ہے میرا آئینہ خانہ بنا ہوا
میں نے تو کوئی بات ،کسی سے نہیں کہی
سوچا ہے جو وہی ہے فسانہ بنا ہوا
ندیا میں کس نے رکھ دیئے جلتے ہوئے چراغ
موسم ہے چشمِ تر کا سہانا بنا ہوا
عورت کا ذہن مرد کی اس کائنات میں
اب تک ہے الجھنوں کا نشانہ بنا ہوا
ممکن ہے مار دے مجھے ، اس کی کوئی خبر
دشمن ہے جس کا ،میرا گھرانہ بنا ہوا
بارش کی آگ ہے مرے اندر لگی ہوئی
بادل ہے آنسوؤں کا بہانہ بنا ہوا
نیناں کئی برس سے ہوا کی ہوں ہم نفس
ہے یہ بدن اُسی کا خزانہ بنا ہوا

فرزانہ نیناں

آپ کو یہ پسند ہو سکتا ہے۔

متعلقہ پوسٹس

مرا جنوں مری وحشت بدلتی رہتی ہے

ڈوبنے والے کو تنکے کا سہارا ہے بہت

اب تنگ ہوں بہت میں مت اور دشمنی کر

سب مجھے تیرا طلبگار

سوچوں تو خیال اور بھی ہیں

دشت یاد آیا کہ گھر یاد آیا

اے شب ہجر

سنتا ہوں میں صدائیں یہ اشکوں کی جھیل سے

شب ہے، مگر افق پہ ستارہ نہیں کوئی

گمان

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔