مرکزی صفحہ اردو غزلیاتمطبوع یار کو ہے جفا اور جفا کو ہم
اردو غزلیاتشعر و شاعریمصطفٰی خان شیفتہ

مطبوع یار کو ہے جفا اور جفا کو ہم

مصطفیٰ خان شیفتہ کی ایک اردو غزل

از سائیٹ ایڈمن
از سائیٹ ایڈمن 0 تبصرے 407 مناظر

مطبوع یار کو ہے جفا اور جفا کو ہم
کہتی ہے بد عدو کو وفا اور وفا کو ہم

دشنام بھی سنی نہ تمہاری زبان سے
ہے کوستی اثر کو دعا اور دعا کو ہم

افغانِ چرس رس کی لپٹ نے جلا دیا
نامے کو ڈھونڈتی ہے صبا اور صبا کو ہم

لاتا ہے ظنِ نیم تبسم سے جوش میں
دل کو قلق، قلق کو بُکا اور بُکا کو ہم

درماں مریضِ غم کا ترے کچھ نہ ہو سکا
چھیڑے ہے چارہ گر کو دوا اور دوا کو ہم

پھر کیوں نہ دیکھنے سے عدو کے ہو منفعل
پھر اس کو دوکھتی ہے حیا اور حیا کو ہم

ہیں جاں بلب کسی کے اشارے کی دیر ہے
دیکھے ہے اس نگہ کو قضا اور قضا کو ہم

ہے آرزوئے شربتِ مرگ اب تو شیفتہ
لگتی ہے زہر ہم کو شفا اور شفا کو ہم

مصطفیٰ خان شیفتہ

آپ کو یہ پسند ہو سکتا ہے۔

متعلقہ پوسٹس

بنتے بنتے اپنے پیچ و خم بنے

جو تیرے ساتھ بِتانے کو وقت مل جاتا

جب سے عطا ہوا ہمیں خلعت حیات کا

کئی اسرار ہوتے ہیں

جس سے مل بیٹھے لگی

سانپ ہوں نا، اس لئے

میں خود سے پوچھ رہی تھی،کہاں گئے مرے دن

اس کی باتوں سے میں نے پرکھا تھا

سانس کی دھار ذرا گھستی ذرا کاٹتی ہے

سیلاب

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔