مرکزی صفحہ اقبالی غزلیاتپریشاں ہو کے میری خاک آخر دل نہ بن جائے
اقبالی غزلیاتاقبالیاتشعر و شاعری

پریشاں ہو کے میری خاک آخر دل نہ بن جائے

علامہ محمد اقبال کی غزل

از سائیٹ ایڈمن
از سائیٹ ایڈمن 0 تبصرے 698 مناظر

پریشاں ہو کے میری خاک آخر دل نہ بن جائے

جو مشکل اب ہے یا رب پھر وہی مشکل نہ بن جائے

نہ کر دیں مجھ کو مجبور نوا فردوس میں حوریں

مرا سوز دروں پھر گرمی محفل نہ بن جائے

کبھی چھوڑی ہوئی منزل بھی یاد آتی ہے راہی کو

کھٹک سی ہے جو سینے میں غم منزل نہ بن جائے

بنایا عشق نے دریائے ناپیدا کراں مجھ کو

یہ میری خود نگہداری مرا ساحل نہ بن جائے

کہیں اس عالم بے رنگ و بو میں بھی طلب میری

وہی افسانۂ دنبالۂ محمل نہ بن جائے

عروج آدم خاکی سے انجم سہمے جاتے ہیں

کہ یہ ٹوٹا ہوا تارا مہ کامل نہ بن جائے

علامہ محمد اقبال

آپ کو یہ پسند ہو سکتا ہے۔

متعلقہ پوسٹس

یہ مِرا دل ہے

شام کے وقت ٹھکانے پہ نہیں آتا تھا

طلب کی آگ کسی شعلہ رو سے روشن ہے

عجب باتیں کھٹکتی ہیں

نذرِ آلام ہوئے جاتے ہیں

یہ کیسا ابر دل پر چھا گیا ہے

پرانے وقت کی پرچھائی دیکھ لی میں نے

کبھی بدن کبھی بستر بدل کے دیکھا ہے

کیا کرتے ہو؟

یہ آگہی کی مسافت یہ ہاؤ ہو کی تھکن

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔