کدّو کے چھلکے کے کباب

اجزاء ۔
2 یا 3 کدّو کے چھلکے ( اگر آپ کے ہاں کدّو کم پکائے جاتے ہیں تو محلے والوں سے چھلکے مانگ لیں ۔۔
چنے کی دال آدھا پاؤ ۔
ثابت مرچیں 5 یا 6 عدد ۔
انڈے 2 عدد ۔
نمک حسبِ ضرورت ۔
آئل تلنے کے لیئے ( کم آئل میں فرائی کرنے سے کباب ٹوٹیں گے نہیں )
ترکیب ۔
چھلکے کے چھوٹے ٹکڑے کرلیں سفید حصّہ اچھی طرح نکال دیں ، چنے کی دال ، چھلکے اور مرچیں دھو کر نمک ڈال کے گلنے کے لیئے چڑھا دیں ، بہتر ہے کہ پریشر ککر کا استعمال کریں ۔ پانی خشک ہوجائے تو ٹھنڈا ہونے دیں اب انڈے شامل کرکے بلینڈ کرلیں یا سِل بٹے پہ پیس کر انڈے اچھی طرح مکس کرکے چھوٹے چھوٹے کباب بنا کر فرائی کرلیں ۔ دال چاول کے ساتھ یہ کباب بہت مزے کے لگتے ہیں ۔